¿Causaica ima shinataj tiyai callarirca?

Huaquincunaca imalla tiyashcacunataca pi mana rurarcachu, causaica ñapish tiyai callarircallami nincunami. ¿Canca imatataj yuyangui? Salmo 36:​9-pica: “Causaita cuj pugyu yacuca” Diospimi can ninmi. Jehová Diosmi causaita callarichirca. ¿Shina cajpica imapajtaj causaita curca?a Caimanta Bibliapi ima nishcata ricui.

1. ¿Jahua pachapish cai Allpapish ima shinataj tiyai callarirca?

Achca cientificocunaca jahua pachapish cai pachapish shuj callaritami charin ninmi. Génesis 1:​1-pipish: “Jahua pachata, cai pachata callarichijca Taita Diosmi” can ninmi. ¿Yaya Diosca ima shinataj tucuita rurarca? Paipaj espíritu santohuanmi galaxiacunata, estrellacunata, tucui planetacunata rurarca (Génesis 1:​2).

2. ¿Yaya Diosca imapajtaj cai Allpataca rurarca?

Jehová Diosca, “cai pachataca mana yanga tiyachun rurarcachu, runacuna causachunmi rurarca” (Isaías 45:18). Paica gentecuna huiñaita huiñaita cushilla causachunmi cai Allpataca rurarca (Isaías 40:28; 42:​5-ta liyipai). Cientificocunaca cai Allpallapimi causaica tiyan. Chaimi shujtaj planetacunamanta diferente can nincuna.

3. ¿Gentecunaca animalcunamantaca imapitaj chꞌican canchij?

Jehová Diosca cai Allpata rurashca qꞌuipaca plantacunata, animalcunatami rurarca. Chai huashaca “paiman rijchaj runatami rurarca” (Génesis 1:​27-ta liyipai). ¿Imamantataj gentecunaca animalcunamantaca chꞌican canchij? Gentecunallami Yaya Diosta adoranchij. Shinallataj Diosman rijchaj cashcamantami cꞌuyaita ricuchinchij, allita ruranchij. Musicatapish uyachij, ima shimitapish yachai tucunchij.

ASHTAHUAN YACHAI

Yaya Dios tucuita rurashcata, ima shina rurashcata ricui. Gentecuna cꞌuyaj, llaquij cashcata ricushpa Yaya Diosmanta imata yachai tucushcatapish ricui.

4. Diosmi tucuita rurarca

Gentecunaca huaquin cosascunata rurangapajca Dios rurashcacunata ricushpami copiancuna. Chai cosascunata copiashpa rurashcamantami paicunata jatunyachincuna. Pero ¿chai cosascunamantaca pitataj jatunyachina canchij? VIDEOTA ricui. Qꞌuipaca cai catij tapuitami yachashun:

VIDEO: Diospi crinamanta (2:​43)

• ¿Huaquin gentecunaca Dios rurashcacunata ricushpaca imallatataj copiashcacuna?

Tucui huasicunaca gentecuna rurashcallami. Pero ¿pitaj tucuita rurarca? Hebreos 3:​4-ta liyipai. Qꞌuipaca cai catij tapuicunatami yachashun:

• ¿Dios rurashca cosascunataca maijantataj ashtahuan munangui?

• ¿Imamantataj Yaya Dios tucui imalla tiyashcacunata rurashcata crinchij?

¿Caita yacharcanguichu?

“¿Pitaj rurarca?” y “¿Causaica ima shinataj callarirca?” nishcapi tiyaj videocunata, publicacioncunata jw.org paginapi ricui.

“Tucui huasicunaca gentecuna rurashcallami. Ashtahuanpish tucui imalla tiyajcunata rurajca Diosmi”.

5. Bibliapica Diosmi tucuita rurarca ninmi

VIDEO: ¿Jahua pachapish cai pachapish ima shinataj tiyai callarirca? (Shuj partella) (3:​51)

• ¿Bibliapica Yaya Dios cai Allpatapish causaitapish seis punllacunapi rurashcatachu huillan?

• ¿Yaya Dios tucuita huiñachishcata Bibliapi huillacushcataca imamantataj cringui? ¿Imamantataj mana cringui?

Génesis 1:​1-ta liyipai. Qꞌuipaca cai catij tapuitami yachashun:

• Cientificocunaca jahua pachapish cai pachapish shuj callaritami charin nincunami. ¿Génesis 1:​1-ta liyishpa paicuna nishcacuna cierto cashcataca imamantataj crinchij?

Huaquin gentecunaca: “Evolucionmantami tucui tiyai callarirca” nincunami. Génesis 1:​21, 25, 27-ta liyipai. Qꞌuipaca cai catij tapuicunatami yachashun:

• ¿Bibliapica evolucionmanta tucui tiyai callarishcatachu yachachin? ¿O Diosca “tucui laya”b animalcunata, gentecunataca por separadochu rurarca?

6. Diosca gentecunataca diferentestami rurashca

Dios rurashca animalcunamantaca ñucanchijca chꞌicanmi canchij. Génesis 1:​26-ta liyipai. Qꞌuipaca cai catij tapuicunatami yachashun:

• ¿Yaya Diosman rijchajta rurashca cashcamantaca ima shinataj pai shina cꞌuyaj, llaquij cashcata ricuchinchij?

YUYARISHUNCHIJ

Jehová Diosca tucui imalla tiyashcacunatami rurarca. Paimi tucui laya causaita callarichirca.

Yuyaringapaj tapuicuna

• ¿Bibliapica jahua pachamanta, cai pachamantaca imatataj yachachin?

• ¿Bibliapica evolucionmantami tucui laya causai tiyai callarirca nishpachu yachachin? ¿O Dios tucuita rurashcatachu yachachin?

• ¿Imamantataj gentecunaca Dios rurashcacunamanta diferentes canchij?

CAICUNATAPISH RICUI

Imalla tiyashcacunata ricushpa shuj ruraj tiyashcata yachai.

“¿Cai Allpamanta, animalcunamantapish imatataj yachai tucunchij?” (Rijchari, septiembre de 2006)

Shuj yaya paipaj churiman Dios rurashcata ima shina yachachijta ricui.

“Jehová Diosmi tucuita rurarca” (2:​37)

Evolucionmanta tucui laya causai tiyashcata o Dios tucuita rurashcata yachai.

“¿Diosca cai Allpapi tucui laya causai tiyachunca evolucionmantachu rurashca?” (jw.org paginapi ricui)

Ñaupa japishca tullucuna, cientificocuna imalla rurashcacuna causai ñapish tiyai callarishcata o Dios tucuita rurashcata ricuchishcata yachai.

“Causai ima shina tiyai callarishcamanta valishca yuyaicuna” (folleto)