¿Cambaj causaipi Biblia ayudachunca imatataj rurana cangui?

Shuj jatun proyectopi trabajana cashcapi yuyai. ¿Chaitaca manachu ima shinashi rurasha nishpa yuyanguiman? Chai proyectohuan pajtachingapajca ‘puntapica caitami rurasha, qꞌuipamanca chaitami rurasha’ nishpami trabajai callaringuiman. Bibliata liyinaca shuj jatun proyectopi trabajana shinami can. Chaimantami huaquinpica ‘¿Bibliataca ima shinataj liyishpa callarisha?’ nishpa tapurishcangui. Cai yachaipimi Bibliata liyishpa cushilla sintiringapaj imata rurana cashcata ricushun.

1. ¿Imamantataj cada punlla Bibliata liyina canchij?

Cada punlla Bibliapi Dios imalla mandashcata liyijcunaca cushillami causancuna. Tucui imata paicuna rurashcapish allimi llujshin (Salmo 1:​1-3-ta liyipai). Punllapica huaquin minutocunata liyishpami callari tucunchij. Bibliamanta ashtahuan yachashpaca ashtahuanmi cushicunchij.

2. ¿Bibliata liyina munaita charingapajca imatataj rurana canchij?

Bibliapi yachachishcacuna ñucanchijta ayudachunca mana liyinallachu canchij. Chaipaj randica “liyishcapi yuyangapajmi” tiempota surcuna canchij (Josué 1:​8, NWT). Bibliata liyicushpaca cashna tapuri: ¿Jehová Diosmantaca imatataj yachachin? ¿Ima shinataj ñuca causaipi pajtachi tucuni? ¿Cai yachashcahuanca ima shinataj shujtajcunata ayudai tucuni?

3. ¿Bibliata liyingapajca ima horastaj alli can?

Bibliata liyingapaj tiempota surcunaca huaquinpica sinchichari ricuringa. Pero “tiempota alli aprovechangapajmi” esfuerzota rurana canchij (Efesios 5:​16, NWT). Bibliata liyingapajca tiempotami surcuna canchij. Huaquincunaca tutamanta horaspimi liyincuna. Cutin shujtajcunaca chishi ladopi o tuta ladopimi liyincuna. Cutin caishujcunaca trabajomanta shuj ratito samaricushpami liyincuna. Maijancunaca manaraj dorminaman rishpami liyincuna. ¿Cambajca Bibliata liyinaca ima horastaj alli can?

ASHTAHUAN YACHAI

4. Bibliata cushicushpa liyinata yachai

Bibliata liyishpa callarinaca sinchi layachari ricuringa. Shinapish shujtaj micunata yachacuj shinami Bibliata asha asha liyishpaca yachana munaita charishun. 1 Pedro 2:​2-ta liyipai, NWT. Qꞌuipaca cai catij tapuitami yachashun:

• ¿Cada punlla Bibliata liyinaca ashtahuan yachana munaita charichun ayudangachu?

VIDEOTA ricui. Cai videopica huaquin jovencuna Bibliata liyina munaita charingapaj imata rurashcata ricui. Qꞌuipaca cai catij tapuicunatami yachashun:

VIDEO: Maijan jovencunaca Diospaj Shimita valoranatami yachashcacuna (5:​33)

• ¿Cai videopi ricurij jovencunaca Bibliata liyingapajca imatataj rurarcacuna?

• ¿Bibliata liyishpa catichunca imataj ayudarca?

• ¿Bibliata cushicushpa liyingapajca imatataj rurarcacuna?

Bibliata liyingapaj caita rurai:

• Shuj alli traduccionta, intindinalla shimihuan quillcashcata agllai. La Biblia. Traducción del Nuevo Mundo cambaj shimipi tiyajpica liyi.

• Can ashtahuan munashcata liyi. Bibliata liyishpa callaringapajca “Bibliata liyishpa callari” nishcata ricui.

• Mashna liyishcata anotai. Bibliata liyishpaca “Maicama liyishcata señalai” nishcapi anotai.

• JW Library^® programata ricui. Cai programataca cambaj celularpi, cambaj tabletpi o cambaj computadorapi descargai. Chashnami maipi cashpapish Bibliata liyingui o uyangui.

• La Biblia. Traducción del Nuevo Mundo Bibliapi tiyaj tucuri partecunata ricui. Chaipimi mapacuna, recuadrocuna, shuj diccionariopish tiyan. Chai ayudacunahuanmi Bibliata cushicushpa liyingui.

5. Cada yachaipaj allichiri

Salmo 119:​34-ta liyipai. Qꞌuipaca cai catij tapuitami yachashun:

• ¿Bibliata liyingapajpish cada yachaita prepararingapajpish imamantataj Diosta mañanaca alli can?

¿Cada yachaita alli intindingapajca imatataj rurana cangui? Estudiangapajca caita rurai:

1. Cada yachaipaj callari paginata liyi.

2. Yachaipi tiyaj versocunata liyishpaca chai yachaita ima shina intindichishcata ricui.

3. Tapuicunata cutichingapajca importante yuyaicunata o importante palabracunata señalai. Chashnami canta yachachijhuan alli estudiai tucungui.

¿Caita yacharcanguichu?

Testigo de Jehovacunaca chꞌican chꞌican traduccioncunatami ricunchij. Pero La Biblia. Traducción del Nuevo Mundo Bibliataca mana pandarij, intindinalla, Diospaj shutitapish charishcamantami ashtahuan munanchij (“¿Testigo de Jehovacunaca paicuna rurashca Bibliata charinchu?” nishca temata jw.org paginapi ricui).

YUYARISHUNCHIJ

Bibliata alli estudiangapajca shuj horariota rurai. Liyishcata alli intindingapajpish Yaya Diosta mañai. Cada yachaipajpish allichiri.

Yuyaringapaj tapuicuna

• ¿Bibliata alli estudiangapajca imatataj rurana cangui?

• ¿Bibliata liyingapaj, estudiangapajca ima horastaj alli can?

• ¿Cada yachaipajca imamantataj allichirina cangui?

CAICUNATAPISH RICUI

Bibliata liyinata munangapaj huaquin yuyaicunata ricui.

“Bibliata liyishpa cushicui” (Huillaj)

Bibliata liyingapaj quimsa yuyaicunata ricui.

“¿Bibliata liyinaca ima shinataj ayudai tucun? Parte 1: Bibliapi tiyaj valishca yuyaicunata mashcai” (jw.org paginapi ricui)

Cushicushpa Bibliata liyingapaj imata rurana cashcata ricui.

“¿Bibliata liyinaca ima shinataj ayudai tucun? Parte 2: Cushicushpa Bibliata liyinata yachai” (jw.org paginapi ricui)

Bibliata achca huatacunata liyijcunapaj consejocunata ricui.

Bibliataca allimi estudiana canchij (2:​06)