CANTO 152
Canta alabana huasi
(1 Reyes 8:27; 1 Crónicas 29:14)
1. Tucuita ruraj Jehová Dioslla
canca Jatun Diosmi cangui.
Cielopish can causangapajca
mana pajtaipajchu Jehová.
Chashnapish ñucanchij cambajmi
cai huasita rurarcanchij.
Canta⁀alabana huasitaca
cushicushpa chasquipailla.
(SHUJTAJ TONO 1)
Canmantami Jehová
tucuita chasquishcanchij.
Can ayudajllapimi
shayachiparcanchij.
(CORO)
Cai huasita cushcamantami
achcata pagui nipanchij.
Cai alhaja huasimantami
cantaca jatunyachishun.
2. Jehová can munashcamantami
cai huasita rurarcanchij.
Cai huasica cambaj munaita
alli pajtachingapajmi.
Canta cushilla sirvichunmi
shujtajcunata⁀ayudanga.
Jesús mingashca trabajoca
manaraj tucurishcachu.
(SHUJTAJ TONO 2)
Chaimantami Jehová
ñucanchij tiempotapish
charishcacunatapish
tucuita cupanchij.
(CORO)
Cai huasita cushcamantami
achcata pagui nipanchij.
Cai alhaja huasimantami
cantaca jatunyachishun.