Intindirinalla shimicunahuan yachachi

¿Jesusca imatataj rurarca?

VIDEO: Jesusca intindinalla ejemplohuanmi Jehová cuidaj cashcata yachachirca

1. VIDEOTA ricui. Mana cashpaca Mateo 6:​25-27-ta liyipai. Qꞌuipaca cai catij tapuicunapi yuyai:

1. ¿Jehová ñucanchijta cuidaj cashcata intindichingapajca Jesusca ima ejemplotataj churarca?

2. Jesusca pajaritocunamantami achcata yacharca. Pero ¿imapajtaj chai ejemplota churashpa ashalla shimicunapi yachachirca?

¿Jesuspaj ejemplomantaca imatataj yachanchij?

2. Jahualla shimicunahuan yachachijpica yachacujca allimi intindinga. Yachacushcaca paipaj shungumanpishmi chayanga.

Jesús shina rurai

3. Ama dimastij parlai. Can imata yachashcataca mana tucuita rato yachachinachu cangui. Chaipaj randica publicacionpi tiyaj yuyaicunallatami alli intindichina cangui. Shuj tapuita rurashpaca yachacuj cutichingacamami shuyana cangui. Pero ¿yachacuj respuestata mana yachajpi o mana alli contestajpica? Shujtaj tapuicunata rurashpami alli intindichun ayudana cangui. Yachacuj ña alli intindijpica catij yuyaita yachachishpa cati.

4. Yachacuj imata yachashcata yuyachishca qꞌuipaca mushuj yuyaicunata yachachi. Por ejemplo, causarinamanta yachachi callarigrishpaca yachacujtaca huañushcacunamanta imata yachashcatami ashata yuyachina cangui.

5. Intindirinalla ejemplocunahuan yachachi. Cashna tapuri:

1. “¿Cai ejemploca intindinallachu can?”.

2. “¿Yachacujca cai ejemplohuanca jahuallachu intindinga?”.

3. “¿Yachacujca ejemplomanta imata yachashcatachu yuyari tucunga?”.