Cꞌuyaihuan consejai

¿Jesusca imatataj rurarca?

VIDEO: Jesusca cꞌuyaihuanmi shuj charij joventa consejarca

1. VIDEOTA ricui. Mana cashpaca Marcos 10:​17-22-ta liyipai. Qꞌuipaca cai catij tapuicunapi yuyai:

1. ¿Jesusca ima alli ruraicunatataj chai charij jovenmantaca ricurca?

2. Jesusca chai joventa imapi mejorana cashcata consejashpaca ¿ima shinataj cꞌuyaj cashcata ricuchirca?

¿Jesuspaj ejemplomantaca imatataj yachanchij?

2. Yachacujcuna Diosta sirvichunmi cꞌuyaihuan imapi mejorana cashcata huillana canchij.

Jesús shina rurai

3. Metacunata pajtachichun ayudai.

1. “Cushilla causai” libropica “Caita rurai” nishca recuadromi tiyan. Chai recuadropi ima nishcata pajtachichun ayudai.

2. Churashca metacunata pajtachingapaj imallata rurana cashcata ricuchi.

3. Yachacujta ñaupajman catijta ricushpaca felicitashpa cati.

4. Ima jarcaita charijta ricushpa ayudai.

1. Cashna tapuri:

   • “¿Yachacujca bautizaringapajca ima jarcaicunatataj charin?”.

   • “¿Paitaca ima shinataj ayudai tucuni?”.

2. Yachacuj imapi mejorana cashcata cꞌuyaihuan consejangapaj Diosta ayudachun mañai.

5. Imata yachashcata mana pajtachijpica yachachinata saqui.

1. Yachachinata saquina cashcata o mana saquina cashcata cuentata cungapaj cashna tapuri:

   • “¿Yachacujca yachashcataca pajtachinchu?”.

   • “¿Tandanacuicunaman rinchu? ¿Shujtajcunamanpish imata yachashcata huillanchu?”.

   • “¿Achca tiempota Bibliata estudiashpaca testigo de Jehová casha ninchu?”.

2. Yachacuj yachashcacunata mana pajtachijpica caicunata rurai:

   • Diosta sirvichun imacunalla jarcacujta paiman ricuchi.

   • Imamanta ña mana yachachigrishcata cꞌuyaihuan intindichi.

   • Qꞌuipa punllacunapi Bibliata cutinllataj yachai tucushcata explicai. Chaipaj ima cambiocunata rurana cashcata intindichi.