Tucuri punllacunamanta quishpichishcacunaca sumajtami causangacuna.
¿Bibliaca Imatataj Yachachin?
¿Tucuri punllacunapichu causacunchij?
¿Imatataj ninguiman?
Ari
Mana
Imachari
Bibliaca caitami yachachin
“Cai punllacuna tucurinapajca llaqui punllacunami shamunga” ninmi (2 Timoteo 3:1). Bibliapi nishcacunaca tucuimi pajtaricun. Chaicunata ricushpami ‘tucuri punllacunapi’ causacushcata yachanchij.
¿Bibliaca imatataj ashtahuan yachachin?
Tucuri punllacunapica macanacuicuna, yaricaicuna, allpa chujchuicuna, millai ungüicunapishmi tiyanga ninmi (Mateo 24:3, 7; Lucas 21:11).
Tucuri punllacunapica Diosta mana yuyarijcuna millai gentecunami tiyanga ninmi (2 Timoteo 3:2-5).
¿Qꞌuipa punllacunapica ima shinashi causaica canga?
Huaquincunaca... Tucuri punllacunapica cai Allpapish gentecunapish tucuringami nincunami. Shujtajcunaca ashtahuan allimi causashun nincunami. ¿Quiquinca imatataj yuyangui?
Bibliaca caitami yachachin
“Allita rurajcunallami cai llajtapica causangacuna. Ima pandata mana rurajcunallami cai allpamantaca mana chingaringacuna” ninmi (Proverbios 2:21).
¿Bibliaca imatataj ashtahuan yachachin?
Tucuri punllacuna qꞌuipaca llaquicunaca mana tiyangachu (1 Juan 2:17).
Cai Allpaca sumaj paraisomi tucunga (Isaías 35:1, 6).