Herramientacunata huaquichina cajaca huillangapaj minishtishcami can
1. ¿Testigo de Jehovacunaca imapitaj carpinterocuna shina canchij?
1 Carpinterocunaca achca herramientacunatami charincuna. Huaquin herramientacunataca huaquin trabajopajllami charin, shujtajcunahuanca siempremi trabajan. Unita trabajajcunaca minishtishca herramientacunataca siempremi apashpa purincuna. Bibliapica testigo de Jehovacunataca tucui shunguhuan huillachun ninmi. Chaimantami cada uno ‘allita rurana yuyailla, mana pingarishpa’ huillana canchij (2 Tim. 2:15). Huillangapajca Bibliami ashtahuan valishca herramienta shina can. Bibliahuanmi shujtajcuna Jesusta catijcuna tucuchun ayudanchij (Mat. 28:19, 20). Tucuicunami Bibliamanta ‘alli yachashpa, cashcatataj alli yachachina canchij’. Shujtajcunaman Bibliamanta alli yachachingapajca tucuicunami carpintero shina huaquin herramientacunata alli rijsina canchij (Prov. 22:29).
2. ¿Ima ayudacunahuantaj Bibliamanta yachachishpa callarinchij?
2 Yachachishpa callaringapaj huaquin herramientacuna. ¿Bibliata charishpapish ima shujtaj ayudacunatataj charinchij? Bibliamanta yachachingapajca ¿Qué enseña realmente la Biblia? nishca libromi ashtahuan ayudashca. Cai librota Bibliamanta yachacujcunahuan ña tucuchishca qꞌuipaca “Manténganse en el amor de Dios” nishca librohuanmi Biblia yachachishcata paipaj causaipi pajtachichun ayudanchij. Chaimantami cai ishqui herramientacunata alli rijsina canchij. Shinallataj herramientacunata huaquichina cajapica huaquin folletocunatami charinchij. Dios cushca alli huillaicuna nishca folletomi yachachishpa callaringapaj ayudan. Ñucanchij llajtacunapi gentecuna mana letra cajpi o shujtaj shimita rimajpi o paipaj shimipi ashalla publicacioncuna tiyajpica Diosta uyai o Huiñaita causangapajca Diosta uyai folletocunahuanmi yachachi tucunchij. Shinallataj Bibliamanta yachacujcuna Jehovapaj organizacionta rijsichunca ¿Picunataj Jehová Diospaj munaita ruracuncuna?, nishca folletomi ayudanga. Videocunapish yachachingapajca achcatami ayudan. ¿Imamantataj Bibliamanta yachana canchij?, ¿Ñucanchij tandanacuicunapica imatataj ruranchij?, ¿Tiene nombre Dios?, nishca videocunatami ricuchi tucunchij.
3. ¿Diospaj Mandanamanta Huillashunchij nishca shamuj hojacunapica imatataj yachashun?
3 Diospaj Mandanamanta Huillashunchij nishca shamuj hojacunapimi, cai herramientacunahuan ima shina yachachina cashcata yachashun. Cai herramientacunahuan alli yachachishpaca cai shimicunatami pajtachishun: “Canllatajpish cuidaringui. Imata yachachicushcatapish alli yuyaringui. Ima shina yachachishca shinallataj causangui. Chashna cashpami, canllataj quishpiringui, can yachachishcata uyajcunapish quishpiringami” (1 Tim. 4:16).