Alli yachachijcuna tucushunchij: huillanaman llujshichun yachacujcunata ayudashunchij

Imamantataj caita rurana canchij. Jesusta mushuj catijcunapish, pai “tucui imalla mandashcacunata” cazunami can. Paicunapish Diospaj Shimita yachachinami can (Mat. 28:19, 20). Achca yachacujcunaca Bibliamanta parlanata yachachij Escuelapimi matricularishcacuna can. Chaimantami maita rishpapish, maipi cashpapish familiacunaman, amigocunaman yachachi tucun. Asha ashami pai yachacushcata ashtahuan cꞌuyashpa catinga. Shinallataj Jehová Diosca tucuicuna alli huillaicunata uyachun munashcatami entendinga. Chaimantami ñaupajman caticushcata ricuchishpa huillanamanmi llujshisha nini ningachari (Rom. 10:14). Congregacionhuan huillachun ari nijpica huillangapaj allichirishca canatami minishtinga. Chashnami mana manchashpa huillai tucunga (Luc. 6:40).