Ñuca yachachishcacunataca cambaj shungupi alli huaquichingui

Yaya mamacunataca ovejacunata michijhuan chꞌimbapurashun. Michij runa ovejacunata cuidaj shinami yaya mamacunaca huahuacunata cuidana can. Huahuacunaca ovejacuna shinami llaquipi urmai tucun (Prov. 27:23). ¿Yaya mamaca ima shinataj alli michijcuna cai tucun? Paicunaca huahuacunapaj yuyaipi, shungupi imalla tiyashcata yachangapajmi huahuacunahuan tucui punllacuna parlanacungapaj tiempota surcuna can (Prov. 20:5). Huahuacunapaj crishcacunatapish sinchiyachinami can. Chashnami huahuacunapish sinchi tucushpa llaquicunata chꞌimbapurangacuna (1 Cor. 3:10-15). Chaita rurangapajca familiahuan Diosta adorana tutami ayudai tucun. Chaimantami Ñuca yachachishcacunataca cambaj shungupi alli huaquichingui nishca peliculata huahuacunahuan ricuchun mañanchij. Qꞌuipaca cai tapuicunata cutichichij:

1) ¿Familia Muñozca imamantataj Diosmanta caruyashca shina causacurca? 2) ¿Callaripica imamantataj huauqui Muñozca familiahuan Diosta mana alli adorai tucurca? 3) Bibliapi yachachishca shinaca, ¿huahuacunata alli huiñachingapajca yaya mamacunaca imatataj rurana can? (Deut. 6:6, 7.) 4) ¿Tucui familia alli parlanacuchunca imataj minishtirin? 5) ¿Huahuacunapi yuyashpaca yaya mamaca imatataj huashaman saquina can? 6) ¿Huauqui Carlos, pani Isabelca ima shinataj familia Muñozta ayudarca? (Prov. 27:17.) 7) ¿Familiahuan Diosta adorana tutata alli rurangapajca yayaca ima shinataj allichirina can? 8) ¿Paipaj familia alli tucuchunca huauqui Tomasca imatataj rurarca? 9) ¿Imamantataj familiahuan Diosta adorana tutataca siempre rurana canchij? (Efes. 6:4.) 10) Familiahuan Diosta adorangapaj huaquin yuyaicunata cui. 11) Huauqui Tomás paipaj punta churihuan allita ruranamanta parlacushpaca ¿imamantataj sinchi sinchi parlashpapish mana pꞌiñarina carca? (Jer. 17:9.) 12) Raulmanta parlashpaca huauqui Tomaspish paipaj huarmi Dolorespish ¿ima shinataj paicunapaj ushushi alli agllachun ayudarcacuna? (Mar. 12:30; 2 Tim. 2:22.) 13) ¿Tomaspish, Lolitapish ashallahuan causanata agllashpaca ima shinataj tucui shunguhuan Jehovapi crishcata ricuchircacuna? (Mat. 6:33.) 14) ¿Cai peliculaca ima shinataj cusacunatapish, yayacunatapish familiaman Diosmanta yachachishpa catichun ayudan? (1 Tim. 5:8.) 15) ¿Cusacuna yayacunaca imatataj rurashpa catina can?

YAYA MAMACUNAPAJ: 2011 huatapi jatun tandanacuipi cai dramata ricushpaca ¿cancunapaj familia imapi cambiana cashcata yuyarcanguichijchu? Cunanca cai peliculata ricushpaca ¿cancunapaj familia imapi cambiana cashcata yuyashcanguichijchu? Cancunapaj familia quishpirichun, imapi cambiana cajpica cambiangapaj Jehová Diosta mañaichij pai ayudachun (Efes. 5:15-17).