Alli yachachijcuna tucungapajca alli allichirishunchij

Jesustaca ishqui cutinmi, ¿huiñai causaita charingapajca imatataj rurana cani? nishpa tapurcacuna. Jesusca cada uno imata minishtishcapi yuyashpami yachachirca (Luc. 10:25-28; 18:18-20). Ñucanchijpish yachacujcunaman imata yachachigrishcata alli yachashpapish, manaraj yachachinaman rishpami paicuna imata minishtishcapi yuyashpa alli allichirina canchij. Chaipajca, ¿yachacujca imatataj mana entendi tucun? ¿Pai chasquichunca imataj sinchi can? ¿Yachachigrishca parrafocunapica ima versocunatataj rezashun? ¿Mashnatataj yachachina cani? nishpami tapurina canchij. Bibliamanta yachacujcuna alli entendichunca huaquinpica shujtaj tapuicunata, chꞌimbapuraicunata rurashpami alli entendichina canchij o chai temallamantataj cutin parlanachari minishtirin. Shinapish gentecunapaj shungupi Diospaj shimi, muyu shina huiñachunca Diosmi ayudan. Chaimantami alli allichirishpa paicunata ayudashpa catingapaj, yachacujcunatapish bendiciachunmi, Diosta mañana canchij (1 Cor. 3:6; Sant. 1:5).