Bibliamanta parlashpa callaringapaj ayuda

¿Cai tapuicunapi yuyashcanguichu? nishca pꞌangaca Bibliamanta estudiocunata callaringapajmi rurashca can. Shinallataj Diosmanta tucuicuna yachaj chayachunmi ayudan. Cai pꞌangaca Bibliamanta jahualla, rato yachachingajmi can. Tapuicunata rurashpa gentecuna imata yuyashcata yachangapaj, tapuicunata Bibliahuan cutichingapaj, shujtaj ayudacunatapishmi charin.

Bibliamanta shuj temata parlanacushca qꞌuipaca huaquinpica Bibliamantami estudiasha nincuna. Bibliamanta yachasha nishpa yaricaihuan, yacunaihuan shina mashcajcunataca caipi ricurij yuyaicunahuan ayudashun (Mt 5:6).

¿IMA SHINATAJ CAITA RURAI TUCUNCHIJ?

1. Cai pꞌangapi ricurij shuj tapuimanta imata yuyashcata huasiyujta tapui.

2. Cutichishcata alli uyashpa pagui ni.

3. Pꞌangapi tiyaj shuj versota rezai. Qꞌuipaca imata yuyashcata parlachun mañai.

4. Pꞌangata saqui. Shinallataj Yachachin librota saquina alli cajpica saquinallami can.

5. Shujtaj tapuimanta yachangapaj, mana cashpaca Yachachin librohuan Bibliamanta estudiashpa callaringapaj ima punlla, ima horas tigranata parlanacui.