INTERNETPI BIBLIOTECA Watchtower

INTERNETPI BIBLIOTECA

quichua (chimborazo)

mwb16 abril pág. 3
Shujtajcunahuan parlashpaca cushichij shimicunata nishun

Jesús shina causashunchij huillashunchij (2016)

mwb16 abril pág. 3

BIBLIAPI TIYAJ VALISHCA YUYAICUNA | JOB 16–20

Shujtajcunahuan parlashpaca cushichij shimicunata nishun

Cunacushpaca cushichinami canchij

16:4, 5

Jobca achca llaquillami carca. Paita cushichishpa ayudachunmi minishtirca.
Paipaj quimsa compañerocunamantaca ni pi mana cushichij shimicunata nircachu. Ashtahuanpish yangamanta juchachishpami Jobtaca ashtahuan llaquichirca.

Bildad mana alli rimashcamantami Jobca yallitaj llaquirirca

19:2, 25

Ñuca causaita quichuna cashpapish cai llaquitaca anchuchihuaiyari nishpami Jobca Diosta mañarca.
Jobca llaquicunata aguantashpa, Diosta tucui shunguhuan servishpa catingapajmi huañushcacuna causarina yuyailla carca.

Jobta Elifaz rimacujtami Bildadpish Zofarpish ricucuncuna

¿JOBTACA PICUNATAJ JUCHACHIRCA?

Elifaz

Edom llajtapi tiyaj Temán pueblomantami cashca canga. Jeremías 49:7-pi nishca shinaca Temán pueblopimi edomitacunaca paicuna ima shina causanata, jatun yachaicunatapish yachajcuna carca.
Quimsandijmantaca Elifazmi ashtahuan huatacunata charirca. Paimi shujtajcunapish Jobta llaquichichun ayudashca canga. Elifazmi puntapi parlarca, quimsa cutinmi achcata parlarca.

¿Imata nishpataj juchachirca?

Jobca Jehová Diosta mana tucui shunguhuan servinchu, Diosca paita servijcunapica mana shunguta churanchu nircami (Job 4, 5).
Jobtaca millai, jatun tucushca, Diostapish mana respetanguichu nishpami rimarca (Job 15).
Jobtaca charinallata munaj, cashcata mana ruraj runa nishpami juchachirca. Diospaj ñaupajpica gentecunaca mana valinchu nircami (Job 22).

Bildad

Suahpaj huahua huahuacunamantami carca. Éufrates yacucuna cꞌuchupimi causaj cashca canga.
Paica Elifaz qꞌuipami parlarca. Mana achcata parlashpapish mana jahuallatami rimarca.

¿Imata nishpataj juchachirca?

Jobpaj churicunaca juchapi urmashcamantami huañurcacuna nircami. Jobpish Diosta mana cazunchu nishpami juchachirca (Job 8).
Jobca Diosta mana rijsinchu nishpami juchachirca (Job 18).
Tucui shunguhuan Diosta servinaca yangami can nircami (Job 25).

Zofar

Zofarca Naamá pueblomantami carca. Naamá puebloca Arabia llajtapi Inti llushij janaj ladomanmi cashca canga.
Paica Bildad qꞌuipami parlarca. Tucuicunamanta ashtahuan sinchitami juchachirca. Paica ishqui cutinmi parlarca.

¿Imata nishpataj juchachirca?

Jobca yangamanta imatapish nirinllami nircami. Juchamantapish anchuri nircami (Job 11).
Jobca millaimi, juchacunata rurashpami cushicun nircami (Job 20).