Jehová Diospi shunguta churashpa allita rurashun

‘Millaita rurajcunapaj causaitaca amataj munanguichu’

Sl 37:1, 2

• Millaicuna alli causacushcata ricushcallamantaca Diosta servinata amataj saquinguichu. Ashtahuanpish Dios bendiciacushcapi, paita ima shina ashtahuan servinatapish yuyai.

‘Jehová Diospi shunguta churashpa allita rurashun’

Sl 37:3

• Llaquicunahuan cashpa imata ruranata mana yachashpapish Jehová canta ayudanata tucui shunguhuan cringui. Diosmi paimanta ama caruyachun canta ayudanga.

• Diospaj alli huillaicunata huillai.

‘Jehová Diospi cushicui’

Sl 37:4

• Jehová Diosta ashtahuan rijsingapajca Bibliata rezangapaj, rezashcapi yuyangapaj tiempota surcui.

‘Cambaj purinataca Jehová Diosman mingai’

Sl 37:5, 6

• Ima llaquicunata chꞌimbapuracushpapish Jehová Diosmi canta ayudanga.

• Shujtajcuna llullacunata nijpi, llaquichijpipish respetota ricuchishpa ama chashnallataj tigrachichu.

‘Mandaj Diospaj ñaupajpi upalla cailla. Paipi shunguta churashpa shuyailla’

Sl 37:7-9

• Jehovamanta ama caruyangapajca imata ruragrishpapish alli yuyashpa rurai. Chashnami cushilla causangui.

“Alli shungucunami, Dios cusha nishca allpataca japingacuna”

Sl 37:10, 11

• Alli shungu cai, manso cai. Shujtajcuna llaquichicujpipish Jehová Dios canta quishpichinata tucui shunguhuan cri.

• Huauquicunata panicunata ayudai. Llaquilla cajcunatapish Diosca ñallami llaquicunata tucuchinga nishpa cushichi.