Cꞌuyaj Diosca huiñaicamami bendicioncunata cusha nin

• ¿Macanacuicuna illaj, pꞌiñanacuicuna illaj causanata munanguimanchu?

• ¿Ungüicuna, sufrimiento, huañui tucurichun munanguimanchu?

• ¿Mana yallitaj sustarishpa, tranquilo causanata munanguimanchu?

• ¿Terremoto, acapana tiyanata mana manchashpa causanata munanguimanchu?

Caica mana shuj muscuillachu can. Cai Allpata ruraj Diosca cꞌuyajmi can. Paimi ñucanchijcuna huiñai huiñaicama cushilla causai tucushcata huillan.

Catij yachaicunapimi cai catij tapuicunapaj respuestacunata tari tucungui:

• ¿Diosca ñucanchijta cꞌuyanchu?

• ¿Diospaj Shimipica imatataj yachachin?

• ¿Dios cusha nishca bendicioncunamantaca profetacunaca imatataj nirca?

• ¿Cunan punllacunapi, shamuj punllacunapi cushilla causachunca Diosca ima shinataj ñucanchijta ayudan?

Cunanca Yaya Dios ñucanchijta cꞌuyashcata ricuchingapaj imalla rurashcata ricushun.