JESÚS SHINA CAUSASHUNCHIJ
“Canpimi ñuca shunguta churani”
Cushilla cashpapish ima llaquicunata chꞌimbapuracushpapish Diospimi shunguta churana canchij (Sl 25:1, 2). Judá llajtapi causajcunaca J.m.h. 732 huatapimi sinchi llaquicunata chꞌimbapurarcacuna. Paicunaca Diospi crishcata o mana crishcatami ricuchina carcacuna. Paicuna ima tucushcamantaca achcatami yachai tucunchij (Ro 15:4). “Canpimi ñuca shunguta churani” nishca peliculata ricushca qꞌuipaca cai tapuicunata cutichi:
¿Ezequiasca ima sinchi llaquicunatataj chꞌimbapurarca?
¿Asiriocuna Jerusalenman ama yaicuchunca, Ezequiasca ima shinataj Proverbios 22:3-pi nishcata pajtachirca?
¿Ezequiasca imamantataj asiriocuna paicunata mandachun mana saquirca? ¿Egiptopaj ayudatapish imamantataj mana mashcarca?
¿Diosta servijcunaca imatataj Ezequiasmantaca yachai tucunchij?
¿Ñucanchijca ima llaquicunata chꞌimbapuracushpataj Diospi shunguta churashcata ricuchi tucunchij?