JESÚS SHINA CAUSASHUNCHIJ
Bibliata alli yachajcuna cashunchij
¿Llaquicunata charishpaca Daniel shina Diosta cazusha ninguichu? Danielca Diospaj Shimita yachashpami sinchi profeciacunatapish alli intindij carca (Da 9:2). ¿Bibliata alli estudianaca ima shinataj Diosta cazuchun ayudanga? Jehová Dios nishcacuna pajtarinata tucui shunguhuan crichunmi ayudanga (Jos 23:14). Shinallataj Diosta ashtahuan cꞌuyashpaca allita rurachunmi ayudanga (Sl 97:10). Pero ¿Bibliataca ima shinataj yachai callarishun? Huaquin yuyaicunata ricushun.
¿Imatataj yachai tucunchij? Bibliata alli yachangapajca tandanacuicunapajmi prepararina canchij. Cada semana Bibliata leyishunchij nishcapi mana intindishcata yachangapajmi tiempota surcuna canchij. Shinallataj huaquin sinchi profeciacunata, ima shina cꞌuyaj canata, llaquij canata, apóstol Pablo ima llajtacunapi huillashcata o Diospaj rurashcacunatapishmi ashtahuan yachai tucunchij. Bibliamanta ima tapuicunata charishpaca catij yachaipi mashcangapajmi anotai tucunchij.
¿Bibliamantaca maipitaj ashtahuan yachai tucunchij? Bibliapi valishca yuyaicunata mashcangapaj ayudacuna nishca videopimi maipi mashcanata yachachin. Por ejemplo Daniel capítulo 7-pi parlashca animalcunaca achca poderta charij llajtacunatami ricuchin. Cada animal maijan llajtata ricuchishcata yachangapajmi mashcai tucunchij.
¿Bibliataca mashna tiempotataj yachai tucunchij? Bibliata yachanata mana saquishpami Diospaj ñaupajpi alli ricurishun. Ashallata yachai callarishpapish qꞌuipaca Biblia yachachishcata intindishpami yachangapaj ashtahuan tiempota surcushun. Bibliata yachanaca curita mashcaj shinami can (Pr 2:3-6). Bibliata yachana valishca cashcata intindishpaca ashtahuanmi yachanata munashun (1Pe 2:2).
¿DANIEL CAPÍTULO 7-PI PARLASHCA ANIMALCUNACA IMA LLAJTACUNATATAJ RICUCHIN?
Da 7:4
Da 7:5
Da 7:6
Da 7:7
SHUJTAJ TAPUI:
¿Daniel 7:8, 24-pi nishcaca ima shinataj pajtarirca?
CATIJ YACHAIPI MASHCANGAPAJ:
¿Apocalipsis capítulo 13-pi parlashca animalcunaca imatataj ricuchin?