Pascuaca Jesús huañushca punllata yuyarina cashcata mana ricuchinchu. Pero pascuamantaca achcata yachai tucunchij. Apóstol Pabloca “Pascua punllapi Taita Diosman cushpa huañuchishca Oveja shinami, Cristoca ñucanchijmanta ña huañurca” nircami (1Co 5:7, Biblia en Quichua Chimborazo, 1989). Ovejapaj yahuarta pungu caspicunapi churashpami quishpirircacuna, shinallatajmi Jesuspaj yahuarca quishpichin (Éx 12:12, 13). Pascuapi huañuchishca ovejapaj tullucunataca shujllatapish mana pꞌaquinachu carca. Caspipi huarcushpa huañushca gentecunata tullucunata pꞌaquijcuna cashpapish Jesuspaj tullucunataca shujllatapish mana pꞌaquircacunachu (Éx 12:46; Jn 19:31-33, 36).