JESÚS SHINA CAUSASHUNCHIJ
“Diosta pagui nishpami Pabloca achcata cushicurca”
Apóstol Pablo shamucushcata Romapi causaj huauqui panicuna yachaj chayashpaca 64 kilometrocunata purishpami tupanaman rishcacuna carca. ¿Pabloca ima shinataj sintirishca canga? Paicunata ricushpami Pabloca ‘Diosta pagui nishpa achcata cushicurca’ (Hch 28:15). Shujtaj cutincunaca Pablomi huauqui panicunata animashpa cushichij carca. Pero prezupi cashcamantami paita cushichichun minishtirca (2Co 13:10).
Cunan punllacunapica superintendente de circuito huauquicunami congregacioncunata visitashpa huauqui panicunata cushichishpa animan. Paicunapish huaquinpica ñucanchij shinallatajmi shaicushca, llaquilla o desanimarishca sintiri tucuncuna. Superintendente de circuito, paipaj huarmipish visitajpi ‘caishujmanta chaishujmanta yuyaita cunacushpa cushicungapajca’, ¿imatataj rurai tucunchij? (Ro 1:11, 12).
Huillanaman llujshingapaj tandanacuicunata apoyashunchij. Visita semanapi huillanaman llujshingapaj sacrificiocunata rurajta ricushpami superintendente de circuito huauquica cushicunga (1Te 1:2, 3; 2:20). Precursor auxiliar shinami sirvi pudinchij. Superintendente de circuito huauquihuan o paipaj huarmihuan huillangapaj o Bibliamanta estudiota cungapajmi allichiri tucunchij. Ashalla tiempotami huillacuni, huillanataca mana valishachu nishpaca mana yuyanachu canchij. Paicunaca tucui huauqui panicunahuanmi huillanaman llujshinata munan.
Alli chasquishunchij. ¿Huasipi pozachingapaj o shuj micunitata carangapaj invitai pudinchijchu? Chashna rurashpaca paicunata cꞌuyashcatami ricuchishun. Paicunata chasquingapaj achca cosascunata ruranaca mana minishtirinchu (Lu 10:38-42).
Consejocunata cujpi utca pajtachishunchij. Jehová Diosta cushilla sirvichunmi superintendente de circuito huauquicunaca ñucanchijta ayudan. Maipica sinchitachari consejanga (1Co 5:1-5). Pero chai consejota alli cazujpica cushicushpami paicunaman mingashcata pajtachingacuna (Heb 13:17).
Shungumanta agradicishunchij. Ñucanchijta ayudashcamantami superintendente de circuito huauquitapish paipaj huarmitapish pagui nina canchij. Shuj notata o cartatami cachai tucunchij (Col 3:15).