“Chashna cana yuyailla caichij”

¿Ima yuyailla canata? Filipenses 4:8-pica: “Huauquicuna, tucui imapipish mana llulla canata, tucuipi alli canata, tucuipi cashcata ruraj canata, tucuipi chuya canata, tucuipi cꞌuyashca canata, tucuipi allimi nishca canata yuyaichij” ninmi. Chashna nishpaca siempre Bibliapi imata nishca yuyailla canataca mana nisha nicunchu. Pero Diospaj ñaupajpi alli cangapajca allicunata ruranatami alli yuyarina canchij. Chashnami Diosta tucuipi cazushcata ricuchishun (Sl 19:14).

Mana allicunapi yuyanata saquinaca mana facilchu can. Juchayuj cashcamanta, cai pachapish Diablopaj ucupi cashcamantami mana fácil can (2Co 4:4). Diablo cai pachata mandacushcamantami televisionpi, radiopi, Internetpi, revistacunapi, librocunapi tiyaj achca cosascunaca mana alli yuyaicunata, mapa yuyaicunatami yachachin. Chaimantami imata ricunata, imata liyinata mana cuidadota charishpaca ñucanchij yuyaita mapayachi tucushun. Tiempohuancarin mana alli ruraicunapimi urmashun (Snt 1:14, 15).

JEHOVAMANTA CARUYACHIJ RURAICUNAMANTA CUIDARISHUNCHIJ: MANA ALLI COSASCUNAHUAN CUSHICUNAMANTA NISHCA VIDEOTA RICUSHCA QꞌUIPA CAI TAPUICUNATA CONTESTAI:

• 

  ¿Shuj huauquica imatataj paipaj celularpi ricuj carca, chaimanta imatataj rurai callarirca?

• 

  ¿Gálatas 6:7, 8, Salmo 119:37 versocunaca ima shinataj ayudarca?