¿Ima shinataj ‘Parlanacungapaj yuyaicunahuan’ huillana canchij?

Enero de 2018 huatamantami Jesús shina causashunchij huillashunchij tandanacuipi yachana pꞌangapica “Parlanacungapaj yuyaicuna” nishca parte llujshirca. ¿Cai yuyaicunahuanca ima shinataj huillana canchij?

Asignacioncunapi: Punta paginapi tiyaj tapuita, versota, tigrangapaj tapuitami utilizana canchij. Parlanacungapaj yuyaicunata ricuchij videopi nishca shinaca mana tucuita igualchu rurana canchij. Por ejemplo, huasiyujhuan ima shina parlanata, imamanta parlashpa callarinatami cambianalla canchij. Instruccioncunapi mana nicujpipish huillangapaj agllashca publicacioncunamantami shujta saquinalla canchij.

Diosmanta huillacushpa: Punta paginapi tiyaj parlanacungapaj yuyaicunaca Diosmanta ima shina huillai tucushcatami ricuchin. Gentecuna ashtahuan yachasha nijpica catij visitapaj yuyaicunahuanmi parlashpa cati tucunchij. Imata rurachun nishcata ashata cambiashpa o tucuita cambiashpami shujtaj yuyaicunahuan huillai tucunchij. Ñucanchij huillan lugarpica ¿shujtaj quilla llujshishca yuyaicunahuan o shujtaj versocunahuan huillanachu alli canga? ¿Gentecunaca paicuna causan ladopi ima tucushcamantachu parlanata munan? Parlanacungapaj yuyaicunahuan Diosmanta ima shina huillanataca cada unomi ricui tucunchij. Shinapish tucuicunaman alli huillaita huillangapajmi tucuita rurana canchij (1Co 9:22, 23).