Cai pacha ñalla tucurigrishcamanta ama manchashunchij

¿IMAMANTA? Ñallami manchanai jatun llaquicuna shamunga. Chaipica Jehová Diospi confiashcata, mana manchaj cashcata ricuchinaca minishtirishcami canga. Jatun llaqui punllaca tucui panda religioncunata tucuchijpimi callaringa (Mt 24:21; Ap 17:16, 17). Chai llaqui punllacunapica, millai gentecunata tucuchina chayamushcatachari huillana tucunga (Ap 16:21). Magog llajtamanta Gogpish ñucanchijtami llaquichisha ninga (Eze 38:10-12, 14-16). Chaipimi ‘Tucuita Rurai Tucuj Diospaj jatun punllapi paipaj macanacui callaringa’ (Ap 16:14, 16). Cunan punllacunapi charishca llaquicunata ahuantashpami shamuj punllacunapi jatun llaquicunataca mana manchashpa ahuantashun.

¿IMA SHINATAJ ALLICHIRISHUN?

• Diospaj mandashcacunata cazushpa, difindishpa (Is 5:20).

• Huauqui panicunahuan tandalla Jehová Diosta adorashpa (Heb 10:24, 25).

• Diospaj organizacionpi ima mandashcacunata rato pajtachishpa (Heb 13:17).

• Ñaupa punllacunapi Jehová Dios paipaj pueblota ima shina quishpichishcata yuyarishpa (2Pe 2:9).

• Jehová Diosta mañashpa, paipi confiashpa (Sl 112:7, 8).

SHAMUJ PUNLLACUNAPI IMA TUCUNATACA AMA MANCHASHUNCHIJCHU (SHUJ PARTELLA) VIDEOTA RICUSHCA QꞌUIPA CAI TAPUICUNATA CONTESTAI:

• 

  ¿Congregacionpi cambiocuna tiyajpica huauqui panicunaca ima shinataj cazuj cashcata ricuchina carca?

• 

  ¿Mana manchaj cangapajca imamantataj cazuj cana canchij?

• 

  ¿Armagedón punlla chayamujpica imamantataj mana manchaj canata minishtishun?

• 

  ¿Jehová Dios ñucanchijta quishpichinata cringapajca picunamantataj Bibliapi yachai tucunchij? (2Cr 20:1-24).