Diospaj carpa huasipi tiyaj arcaca dimastij valishcami carca

25:9, 21, 22

Israelitacunapajca arcami shujtaj cosascunamanta yalli valishca carca. Chai arca jahuapi tiyaj ishqui querubincunapaj chaupipimi shuj pꞌuyu tiyarca. Chai pꞌuyuca Dios chaipi cashcatami ricuchirca. Juchacunamanta Diosman ofrendata cuna punllaca sacerdotecunata mandajca Diospajlla chꞌicanyachishca ucumanmi shuj toropaj yahuarhuan, shuj chivopaj yahuarhuan yaicuj carca. Chai yahuartaca israelitacunapaj juchacunata Dios perdonachunmi arcapaj ñaupa ladomanta tsirapashpa cuj carca (Le 16:14, 15). Jesuspish sacerdotecunata Jatun Mandajmi can. Paica ñucanchijmantami huañurca. Qꞌuipaca Jesusca Diospaj ñaupajpimi ñuca sacrificiota chasquihuai nishpa paita mañarca (Heb 9:24-26).

Cai versocunapi nishca shinaca ¿Jesús huañushcamantaca ima bendicioncunatataj chasquishun?

VERSOCUNA

• 1Jn 1:8, 9

• Heb 9:13, 14

• Ro 6:23

BENDICIONCUNA

• Huiñai huiñaitami causashun

• Diosca ñucanchij juchacunatami perdonanga

• Diospaj ñaupajpica allimi ricurishun

¿Cai bendicioncunata chasquingapajca imatataj rurana canchij?