¿Cambaj tiempota, fuerzataca Diosman cui tucunguichu?

Isaías huillashca shinaca Diospaj puebloca ashtahuan ashtahuanmi mirarishpa caticun (Is 54:2). Chaimantami Tandanacuna Huasicunata, sucursalcunapi edificiocunata ashtahuan shayachinata minishtinchij. Caicunata shayachishca huashaca cuidana, allichinami minishtiringa. Caicunata shayachishpa ayudangapajca ñucanchij tiempota, fuerzatami Yayitu Diosman cui tucunchij.

• Tandanacuna Huasita pꞌichangapajmi ayudai tucunchij.

• Tandanacuna Huasita cuidangapajpish capacitaciontami chasqui tucunchij.

• Tandanacuna Huasicunata shayachishpa, allichishpa ayudangapajca Solicitud de voluntario local de diseño y construcción (DC-50) nishcatami jundachi tucunchij.

• Betelpi o sucursalpaj edificiocunapi shuj semana o ashtahuan tiempota apoyangapajca Solicitud para el programa de voluntarios (A-19) nishcatami jundachi tucunchij.

MUSHUJ JATUN HUASICUNATAMI SHAYACHIGRINCHIJ (SHUJ PARTELLA) NISHCA VIDEOTA RICUSHCA QꞌUIPACA CAI TAPUICUNATA CUTICHI:

• ¿2014 huatamantaca ima shinataj ashtahuan videocuna mirarishca?

• ¿Ashtahuan videocunata llujchingapajca Rámapo llajtapica imatataj shayachigrinchij? ¿Cai edificiocunata shayachinataca ima horataj tucuchisha ninchij?

• ¿Chai edificiocunata shayachishpa ayudachunca mashnacunatataj minishtinchij?

• ¿Rámapo llajtapi ayudasha nishpaca imamantataj DC-50 nishca solicitudta jundachina canchij? O ¿ñucanchij causan lugarcunapi imamantataj Tandanacuna Huasicunata shayachishpa, allichishpa ayudana canchij?

• ¿Cai edificiocunata shayachichun Jehová Dios ayudacushcataca ima shinataj yachanchij?

• ¿Cai edificiocunata shayachishpa mana ayudai tucushpapish ima shinataj apoyai tucunchij?