¿Joven, Jehová Diosca cambaj alli amigochu can?

¿Shuj amigo ima shina cachuntaj munangui? Tal vez paica canta ayudaj, cꞌuyaj, alli cachunmi munangui. Jehová Diosmi chai alli amigo shina can (Éx 34:6; Hch 14:17). Paica cambaj mañashcacunata uyaj, minishtishca horaspi ayudaj amigomi can (Sl 18:19, 35). Shinallataj pandarijpipish perdonaj Diosmi can (1Jn 1:9). ¡Cashna amigota charinaca maravillami can!

Bibliata liyishpa, paipi confiashpami Diospaj amigo cai tucungui (Sl 62:8; 142:2). Jehovapajca paipaj Churi, paipaj Gobiernomi importante can. Paipaj munaita pajtachinapish valishcami can. Cambajpish caicunami importante cana can. Caicuna valishca cashcamantami Diosmantaca shujtajcunaman huillana cangui (Dt 32:3). Jehová Dioshuan alli apanacungapaj esforzarishpaca tucui vidami paipaj amigo cangui (Sl 73:25, 26, 28).

JOVENCUNA: ‘JEHOVÁ DIOS ALLI SHUNGU CASHCATA RICUICHIGARI’ NISHCA VIDEOTA RICUI. QꞌUIPACA CAI TAPUICUNATA CONTESTAI:

• 

  ¿Jehová Diosman mingaringapaj, bautizaringapajca imatataj rurana cangui?

• 

  ¿Cantaca huauqui panicunaca Diosta alli sirvichunca ima shinataj ayudai tucuncuna?

• 

  ¿Predicashpaca ima shinataj Dioshuan alli apanacungui?

• 

  ¿Diosta ashtahuan sirvingapajca imatataj rurai tucungui?

• ¿Jehová Dios ima shina cashcamantaca imatataj ashtahuan munangui?