Tucuri punllacunapi ahuantangapaj allichirishunchij

Tucuri punllacuna quichquiyamucushcamantami achca llaquicuna tiyanga (2Ti 3:1; Mt 24:8). Shuj jatun llaqui tiyajpica Jehová Diosca paipaj pueblomanca ratomi imata rurana cashcata huillan. Pero cunanmanta Dios cushca instruccioncunata cazushpa, ñucanchij feta sinchiyachishpami ima llaquicunahuan chꞌimbapurangapajca allichirishca cashun (Lu 16:10).

• Sinchi feta charingapaj esforzarishunchij. Chaipajca cada punllami Bibliata estudiangapaj tiempota surcuna canchij. Shinallataj telefonomanta, cartacunata rurashpa predicangapaj, huillana carritohuan, huasin huasin rishpa predicangapajmi esforzarina canchij. Huauqui panicunahuan mana tandalla cai tucushpapish mana preocuparinachu canchij (Is 30:15). Jehová Dios, Jesuspish ñucanchijhuan siempre canataca yuyaipimi charina canchij (od-S págs. 175, 176 párrs. 15-17).

• Ñucanchij causaita cuidangapaj allichirishunchij. Chaipajca shuj mochila de emergenciatami charina canchij. Shinallataj huasipica yacuta, mana pasaj micunacunata, jambicunata, shujtaj minishtirishca cosascunatami huaquichina canchij. Chashnami ima llaqui tiyashcamanta shujtaj ladoman rina tucujpica allichirishca cashun (Pr 22:3; g17.5-S págs. 4, 6).

¿JATUN TAMIA, TERREMOTO, ACAPANA TIYAJPICA IMA SHINATAJ ALLICHIRINA CANCHIJ? NISHCA VIDEOTA RICUSHCA QꞌUIPACA CAI TAPUICUNATA CUTICHI:

• 

  ¿Manaraj shuj jatun llaqui tiyajpica ima shinataj ñucanchij fetaca sinchiyachina canchij?

• 

  ¿Ñucanchij datocunataca imamantataj pushaj huauquicunaman cuna canchij?

• ¿Imamantataj shuj mochila de emergenciata charina canchij?

• ¿Ñucanchij causan ladopi ima llaquicuna japi tucushcata, chaicunahuan ima shina chꞌimbapuranataca imamantataj alli yachana canchij?

• 

  ¿Ima llaquicuna tiyajpica ima shinataj ayudai tucunchij?

CASHNA TAPURI: “¿Coronavirus ungüihuan chꞌimbapurangapaj chasquishca instruccioncunamantaca imatataj yachashcanchij?”.