Alli amigocunata charichun ayudashpa

Bibliamanta yachacujcunaca Jehová Diospaj amigos cangapajca alli amigocunatami mashcana can (Sl 15:1, 4). Alli amigocunaca allicunata rurachunmi ayudangacuna (Pr 13:20; lff yachai 48).

Bibliamanta yachacujcunata mana alli amigocunamanta caruyachun ayudacushpaca paicunaman cꞌuyaita ricuchishunchij. Paicunapajca ñaupaman charishca amigocunata saquinaca sinchimi can. Chaimanta Bibliamanta yachachicushpapish o imata ruracushpapish paicunamanta preocuparishunchij. Paicunamanca telefonomanta mensajecunata cachashpa, mana cashpaca cayashpa o visitashpami preocuparishcata ricuchina canchij. Yachacujcuna paicunapaj causaipi Biblia yachachishcata pajtachijpica huauqui panicunahuan tiempota pasachun invitashunchij. Chashnami paicunaca ashtahuan alli amigocunata charishcata cuentata cungacuna (Mr 10:29, 30). Paicuna Diospaj puebloman yaicujpicarin canpish cushillami sintiringui.

BIBLIAMANTA YACHACUJCUNATA ALLI AMIGOCUNATA CHARICHUN AYUDAI NISHCA VIDEOTA RICUSHCA QꞌUIPACA CAI TAPUICUNATA CUTICHI:

• ¿Picunataj mana alli amigocuna can? (1Co 15:33).

• ¿Coralca huauqui panicuna ima shina divirtirishcatataj yuyarca?

• ¿Ritaca ima shinataj Coraltaca alli amigocunata mashcachun ayudarca?