JW.ORG paginapimi achca consejocunata taringui

Cai tucuri punllacunapi llaquicunahuan chꞌimbapurangapajca Bibliapaj consejocunami ñucanchijta ayudan (2Ti 3:1, 16, 17). Por ejemplo, cambaj huahuacunata ima shina alli huiñachinatachari yachasha ningui. O can jovenraj cashpaca cambaj feta ima shina sinchiyachinatachari yachanata munangui. Mana cashpaca cambaj cusa o cambaj huarmi huañushcamantachari llaquilla sintiringui. Chaimi Bibliapaj consejocunata minishtingui. Cashna laya llaquicunata, jarcaicunata charijpipish Bibliapaj consejocunami ayudai tucun. Cai consejocunataca jw.org paginapimi tari tucungui (Pr 2:3-6).

JW.ORG paginapica BIBLIAMANTA YACHAICUNA nishcata agllai (dibujo 1-ta ricui). Chaipica ima temata yachasha nishcata agllai. Mana cashpaca PUBLICACIONCUNAPI > CHꞌICAN TEMACUNAPI yaicushpa ima temata yachasha nishcata agllai (dibujo 2-ta ricui). Cai temacunatapishmi JW Library^® nishca aplicacionpi tari tucungui.a Shinaca JW Library nishca aplicacionpi o jw.org paginapipish chꞌican chꞌican temacunatami tari tucungui. Shinallataj jw.org paginapica mashcai nishcapi can munashca temata quillcashpami tari tucungui.

Cai catij temacunatami jw.org paginapi mashcai tucungui.

• Huahuacunata huiñachinamanta

• Llaquilla canamanta

• Familia huañujpi