BIBLIAPI TIYAJ VALISHCA YUYAICUNA

Cazarangapaj alli cusata o alli huarmita agllai

Salomonca Diosta mana cazushpami yanga dioscunata adoraj huarmicunahuan cazararca (1Re 11:1, 2; w18.07 pág. 16 párr. 7).

Chai huarmicunaca Jehová Diosmantami Salomontaca caruyachircacuna (1Re 11:3-6; w19.01 pág. 15 párr. 6).

Jehová Diosca Salomonhuanmi yallitaj pꞌiñarirca (1Re 11:9, 10; w18.07 pág. 17 párr. 9).

Fotocuna: Shuj panica Bibliata estudiashpami shuj soltero huauqui ima shina cashcata yuyacun. 1. Huauquica tandanacuipimi comentacun. 2. Huillana carritohuanmi huillacun. 3. Tandanacuna Huasitami allichicun.

Cazarasha nijcunataca Cristota catijllahuan cazarachunmi Yayitu Diosca mandan (1Co 7:39). Chaica mana nisha ninchu tucui bautizarishca solterocuna alli cusa o alli huarmi cana cashcata. Chaimantami manaraj cazarashpaca: “¿chai huauqui o chai panica Diosta sirvinataca punta lugarpichu churan?, ¿paica tucui shunguhuan Diosta sirvishpa catichunchu ayudanga?” nishpa tapurina cangui. Cazarasha nishpaca chai huauquita o panitami alli rijsinaraj cangui.