Cazaranaca tucui vidapajmi can

Cazarashcacunaca Biblia yachachishcacunata cazushpaca cushillami causancuna, Yayitu Diostapishmi jatunyachincuna (Mr 10:9). Chaimantami solterocuna, solteracunaca cazarasha nishpaca alli cusata o alli huarmita agllana can. Chaipajca Biblia nishca consejocunatami catina can.

Yallitaj huambraraj cashpaca aichapi chayarina munaita jarcanaca sinchimi can. Chai munaicunallamanta novio o noviata charinaca mana valinchu. Ashtahuanpish mana yalli huambraraj cashpa pihuan cazaranata agllanaca allimi canga (1Co 7:36). Shinallataj soltero cashparajmi Dioshuan alli apanacungapaj, alli cualidadcunata charingapaj esforzarina cangui. Chaita rurashpami cazarashpaca contento causangui.

Manaraj cazarashpaca cambaj noviota o cambaj noviataca allimi rijsina cangui (1Pe 3:4). Ima problema ricurijpica paihuanmi parlanacuna cangui. Shinallataj matrimoniopica cambaj cusamanta o cambaj huarmimanta preocuparina cashcatami yuyarina cangui (Flp 2:3, 4). Cai consejocunata manaraj cazarashpa pajtachishpaca, cazarashpaca cushillami causangui.

CAZARASHA NIJCUNAPAJ. PARTE 3: MANARAJ CAZARASHPA ALLI YUYAI NISHCA VIDEOTA RICUSHCA QꞌUIPACA CAI CATIJ TAPUICUNATA CUTICHI:

• ¿Videopi ricurij panica paipaj noviomantaca callaripica imatataj yuyarca?

• ¿Pero qꞌuipaca cai panica imatataj cuentata curca?

• ¿Panipaj yaya mamaca ima shinataj ayudarca? ¿Chashna ayudashcamantaca panica imatataj decidirca?