JESÚS SHINA CAUSASHUNCHIJ

Religionta mana catijcunata Diosmanta yachachun ayudashunchij

“Paica Diospica mana crinchu, Bibliamantaca mana uyasha ningachu” yuyashcamantami huaquin gentecunamanca mana predicashcanchij. Chaita ama yuyashpa catingapaj caipi yuyai: Achca huauqui panicunaca manaraj testigo de Jehová tucushpaca shuj religiontaca mana charircacunachu, Diospipish mana crircacunachu. Pero paicunata Dios tiyashcata crichun ayudashcamantami cunanca Jehová Diospi crincuna (Ro 1:20; 10:14).

YUYARI: FETA MANARAJ CHARIJCUNAPISH FETA CHARI TUCUNCUNAMI (RELIGIONTA MANA CATIJ GENTECUNA) NISHCA VIDEOTA RICUSHCA QꞌUIPACA CATIJ TAPUITA CUTICHI:

¿Cai videoca shuj religionta mana catij gentecunaman predicachunca ima shinataj ayudan?

Respuesta

Caita rurai

Diospi mana crij gentecunahuan parlacushpaca cꞌuyaihuan, alaja shimicunahuan parlai. Shinallataj paicuna ima yuyashcata, ima shina sintirishcataca atencionhuan uyai (2Ti 2:24). Paicuna ashtahuan munashca temacunamantapish parlai. Dios tiyashcata ashtahuan yachanata munajpica videocunata, publicacioncunata ricuchi. ¿Es la vida obra de un Creador? Shinallataj, El origen de la vida. Cinco cuestiones dignas de análisis folletocunata utca taringapajmi cunanca JW Library aplicacionpi kit de enseñanza nishcapi can.

Callaripica Diospi mana crij gentecunahuan parlanaca asha sinchimi canga. Chaipica experienciata charij huauquita o panitami ayudachun mañana cangui. Huaquin gentecuna Dios tiyashcata mana crijpipish, Jehová Diosca paicunapaj shunguman chayachunmi ayudai tucun (Hch 13:48).