Estudiacushpaca mushuj yuyaicunata yachai

Imata manaraj estudiai callarishpaca: “¿Caita estudiashpaca imatataj yachasha nini?” nishpachari tapurinchij. Imata yachasha nishcataca ñachari yuyaipi charinchij. Shinapish Jehová Diosca shujtaj mushuj yuyaicunatapish yachachunmi munan. ¿Jehová Dios imata yachachun munashcataca ima shinataj yachai tucunchij?

Jehová Diosman sabiduriata mañai. Mana can yachashcallahuanchu saquirina cangui (Proverbios 3:​5, 6). Jehová Dios imata yachachun munashcata yachangapajca paitami mañana cangui (Santiago 1:5).

Jehová Dios yachachishcacuna cambaj causaipi ayudachun saqui. “Diospaj Shimica causajmi” (Hebreos 4:12). Bibliapi nishcacuna ñucanchij causaipi ayudachunca ashtahuan yachana munaihuanmi liyina canchij. Chashnami Bibliata liyicushpaca mushuj yuyaicunata yachai tucushun.

Yachachishcamanta Jehová Diosta agradici. Jehová Dios tucui imalla yachachishcacunaca jatun micui shinami can (Isaías 25:6). Huaquin yachaicunaca ñucanchij mana munashca micuna shinami can. Pero chaicunata yachanapish ñucanchijpajca allimi can. Chaita yuyaipi charishpaca cushillami estudiashun.