¿Clima cambiarishpa caticushcamanta, shamuj punllacunamantaca Bibliaca imatataj huillan?

“Climaca cambiarishpami caticun. Chaimantami cai Allpaca mana causaipaj laya tucun” (The Guardian).

Cunan punllacunapica huaquinpica yallitaj tamya, yallitaj rupaimi tiyan. Chashna clima o tiempo cambiarishcamantami achcata sufrinchij. Pero ¿climaca imamantataj cambiarishca? La mayoría cientificocunaca gentecunallatajmi culpata charin nincunami. Clima cambiarishpa caticushcamanta ima tucushcata ricushun:

• Huaquin ladocunapica huaira jatarishpa yallitaj tamia tiyashcamantami yacu jundai tiyashca. Cutin shujtaj ladocunapica yallita rupaimi tiyashca, maipicarin ña mana tamyanchu. Chaimantami urcucunapica incendiocuna tiyashca.

• Rasuhuan caj jatun urcucunaca yacuyashcacunami.

• Yacucunapish, mama cuchacunapish mirarishpami caticun.

Climaca tucui ladocunapimi cambiarishca. Por ejemplo The New York Times nishca periodicoca 193 llajtacunapi clima ima shina cambiarishcata yachangapajmi shuj informeta rurarca. Chai periodicopica: “Ñucanchij Allpaca ‘ñucata salvai’ nicuj shinami can”. Clima cambiarishcamantami huañuicuna, jatun llaquicuna tiyan. Organización Mundial de la Salud nishca shinaca climaca ñucanchij saludtami dañacun.

Shinapish shamuj punllacunapi cai laya causai ña mana tiyanatami shuyai tucunchij. Bibliapica cai laya llaquicuna tiyana cashcatami huillarca. Yayitu Dios ñucanchijta ayudangapajca shamuj punllacunapi imata ruranatapishmi huillan.

¿Clima cambiarina cashcataca Bibliaca huillarcachu?

Ari, huillarcami. Cunan punllacunapi yallitaj rupai tiyashcamantami climaca cambiarishpa caticun. Pero Bibliaca cashna laya llaquicuna tiyana cashcataca ñami huillarca.

Bibliaca caitami huillan: 2 Timoteo 3:1-4-pica: ‘Tucuri punllacunapica mana ahuantaipaj sinchi, llaqui punllacunami shamunga. Chai punllacunapica gentecunaca paicunallataj cꞌuyarijcuna, cullquita yallitaj munajcuna, shujtajcunamanta caruyajcuna, alli tucunata mana munajcuna, amigocunahuan contra tucujcuna, mana uyasha nijcunami canga’ ninmi.

Clima cambiarishcamanta gentecuna ima shina comportarinatami Bibliaca huillarca. Por ejemplo cai Allpapi tiyaj mandajcunapish, jatun empresacunata charijcunapish shamuj punllacunapi gentecunahuan ima tucunata preocuparinapaj randica cullqui solopimi yuyancuna. Paicunaca cai Allpapi ama yallitaj rupai tiyachun, ama yallitaj tamiachun tandalla trabajashun nishpapish mana de acuerdo cai tucushcacunachu.

Bibliapi nishca shinaca gentecuna ima shina comportarinata cambiachun, cai Allpata cuidai callarichunca mana shuyanachu canchij. Chaipaj randica gentecunaca paicunallapi yuyashpami ashtahuan millai tucushpa catingacuna (2 Timoteo 3:13).

¿Diosca cai Allpata allichinataca imamantataj seguros canchij?

Bibliapica Jehová Diosa ñucanchijta rurashcatami huillan. Paimi cai Allpata allichisha nin. Cai Allpapi causajcunatapishmi ayudasha nin. Jehová Dios imata ruranata Bibliapi ricushun:

1. 1. Isaías 45:18-pica: “Paica cai pachataca mana yanga tiyachun rurarcachu, runacuna causachunmi rurarca” ninmi.

   Yaya Diosca gentecuna cai Allpapi causashpa catichunmi munan. Paipaj munaitaca pajtachingatajmi (Isaías 55:11). Chaimanta cai Allpata tucuchishca cachunca mana saquingachu.

2. 2. Salmo 37:11, 29-pica: “Alli shungucunami, Dios cusha nishca allpataca japingacuna. Yallitaj sumaj causaipimi cushicungacuna. Cashcata rurajcunallami Dios cusha nishca llajtata japingacuna. Tucui causaipimi chai llajtapi causangacuna” ninmi.

   Yaya Diosca gentecunamanca huiñai huiñaita, tranquilo causaitami cusha nin.

3. 3. Proverbios 2:22-pica: ‘Millaita rurajcunaca, cai llajtamanta llujshichishpa cachashcami canga’ ninmi.

   Diosca millaita ruranata mana saquijcunata, cai Allpata llaquichijcunatapishmi tucuchisha nin.

¿Shamuj punllacunapica Yaya Diosca imatataj ruranga?

¿Yaya Diosca pai munashcata pajtachingapajca imatataj ruranga? Paipaj Gobiernohuanmi tucui pai munashcata pajtachinga (Mateo 6:10). Cai Gobiernotaca Diospaj Gobierno nishpami rijsinchij. Cai Gobiernoca jahua pachamantami mandanga. Cai Allpata allichingapajca gobiernocunahuan shuj acuerdoman chayanataca mana minishtingachu. Chaipaj randica tucui gobiernocunatami tucuchinga (Daniel 2:44).

Diospaj Gobiernoca gentecunamanca achca bendicioncunatami cunga, Allpatapishmi allichinga (Salmo 96:10-13). ¿Diospaj Gobiernoca imatataj ruranga?

• Cai Allpatami sumajyachinga

  Bibliaca caitami yachachin: Isaías 35:1-pica: “Shitashca pambacunapish, chaquishca pambacunapish cushicungacunami. Shitashca pambapish cushicungami. Rosas shinami sisanga” ninmi.

  ¿Ñucanchijmantaca imatataj ruranga? Gentecunaca cai Allpataca achcatami llaquichishca. Pero Jehová Diosca tucui cai Allpataca sumajtami allichinga.

• Climatami allichinga

  Bibliaca caitami yachachin: Salmo 107:29-pica: Jehová Diosmi “huairandij tamiatapish parachirca. Paimi caiman chaiman cuyuricuj yacutapish casijllata saquirca” ninmi.

  ¿Ñucanchijmantaca imatataj ruranga? Jehová Diosca pailla poderta charishcamantami tucui cai Allpata ima shina allichinataca alli yachan. Pai tucuita allichijpica ñucanchij climaca ña mana cunan shina cangachu.

• Cai Allpata ima shina cuidanatami yachachinga

  Bibliaca caitami yachachin: Salmo 32:8-pica: “Can mai ñancunallata purinataca ñucami entendichisha, ñucami yachachisha” ninmi.

  ¿Ñucanchijmantaca imatataj ruranga? Yaya Diosca cai Allpata cuidachunca gentecunamanmi mingarca (Génesis 1:28; 2:15). Paillataj cai Allpata ima shina cuidana cashcatami yachachinga. Chashnami pai tucui imalla rurashcacunata cuidashpa, sumajta causanata yachashun.