¿Diosmanca imallatataj mañana canchij?

Bibliaca caitami yachachin

Imata mañashpapish Dios munashca shinami mañana canchij. Bibliapica caitami yachachin: ‘Dios munashca shina imatapish mañajpica, paica uyashpa cunllami’ nin (1 Juan 5:14). Shinallataj ñucanchij imamanta preocuparishcatami paiman huillai tucunchij. Bibliapica: “Tucui shunguhuan paipaj ñaupajpi mañaichigari” ninmi (Salmo 62:8).

¿Imallatataj mañana canchij?

• Diospi crina yuyaita cuchun (Lucas 17:5).

• Allita rurangapaj ayudachunca Diospaj espíritu santota, o fuerzata cuchun (Lucas 11:13).

• Llaquicunata, tentacioncunata chꞌimbapurangapaj fuerzata cuchun (Filipenses 4:13).

• Yuyaipipish, shungupipish tranquilo sintiringapaj ayudachun (Filipenses 4:6, 7).

• Alli decisioncunata japingapaj yachaita cuchun (Santiago 1:5).

• Ñucanchij causaipaj minishtirishcata cuchun (Mateo 6:11).

• Juchacunata perdonachun (Mateo 6:12).