Escuela de Galaadca muyundij Allpamanta huauqui panicunatami ayudan

Cada huatami muyundij Allpamanta tiempo completo especialpi sirvij huaquin huauqui panicunataca Escuela Bíblica de Galaad de la Watchtower nishcaman invitancuna. Cai escuelaca Centro Educativo de la Watchtower Patterson, Nueva York llajtapimi saquirin.a Cai escuelaman rishpaca estudiantecunaca Jehová Diospaj organizacionpi huaquin asignacioncunata alli pajtachinatami yachancuna. Cai escuelamanta graduarishcacunaca paicunapaj congregacioncunapi o sucursalpi sirvij huauqui panicunata sinchiyachishpa, animashpami ayudancuna.

Escuela de Galaadmanca chꞌican chꞌican llajtacunamanta huauqui panicunami rincuna. Por ejemplo, 2019 huatapi clase 147-manca 29 chꞌican chꞌican llajtacunamanta 56 estudiantecunami rircacuna. Escuela de Galaadman rijcunaca ñami tiempo completo especialpi sirvincuna. Maijancunaca betelitacuna, superintendente de circuitocuna, misionerocuna o precursores especialescunami can.

Escuela de Galaadpi punta clase manaraj callarijpimi achca tiempo sirinman huaquin cosascunata organizai callarincuna. Por ejemplo, Central Mundialmanta Departamento de Viajespi sirvijcunaca estudiantecuna Escuela de Galaadman viajachunmi voletocunata randishpa ayudancuna. Clase número 147-man rij estudiantecunapajca Patterson llajtaman chayangapaj, Pattersonmanta paicunapaj asignacionman tigrangapajca pasajeca más o menos 1.075 dolaresmi cada unopaj valirca. Pero islas Salomonmanta Pattersoncama rij estudiantecunaca chuscu vuelotami japina carcacuna. Cutin tigrangapajca quimsa vuelotami japina carcacuna. Paicunaca 35.400 kilometrostami viajarcacuna. Cada unopaj pasajeca 2.300 dolaresmi valirca. Cullquita ahorrangapajca Departamento de Viajesca computadorapi shuj programata utilizashpami baratolla pasajecunata mashcancuna. Incluso shuj voletota ña separashca qꞌuipapish chai programaca huaquin semanacunata o quillacunatami ashtahuan baratolla pasajecunata mashcashpa catin. Shinallataj Departamento de Viajesca viajangapaj convidashca voletocunatami utilizan.

Achca estudiantecunaca Estados Unidos llajtaman yaicungapajca visatami minishtincuna. Chaimantami Central Mundialmanta Departamento de Asuntos Legalesca huauqui panicuna visa de estudiante nishcacunata charichun ayudancuna. Chai tucui tramitecunata ruranaca más o menos 510 dolaresmi cada estudiantepaj valin.

¿Estudiantecuna Escuela de Galaadman rishcamantaca huauqui panicunaca ima shinataj beneficiarincuna? Hendra Gunawan shuti huauquimanta parlashun. Paica Asia ladopi shuj congregacionpimi anciano shina sirvin. Paipaj congregacionpica Escuela de Galaadmanta graduarishca shuj cusa huarmimi sirvicun. Paica: “Ñaupaca ñucanchij congregacionpica precursores regularesca mana tiyarcachu. Pero Galaadmanta graduarishca cusa huarmi chayashpaca paicunapaj ejemplohuanmi huauqui panicunataca achcata animachircacuna. Cai cusa huarmica Yaya Diostaca tucui shunguhuanmi sirvijcuna carca. Chaita ricushpami huaquincunaca precursor regular shina sirvi callarircacuna. Incluso ñucanchij congregacionmanta shuj panica Escuela para Evangelizadores del Reino nishcamanmi rirca” ninmi.

Cunanca Sergio Panjaitan huauquimanta parlashun. Paica Asia ladopi saquirij Betelpimi Galaadmanta huaquin graduarishca huauqui panicunahuan trabajan. Paica: “Paicuna Escuela de Galaadman rishcamantaca mana paicunallachu bendicioncunata chasquishcacuna. Ñucanchijpishmi achca bendicioncunata chasquishcanchij. Paicunaca achcatami yachashcacuna. Pero shujtajcunata yalli yachaj cashcata shina yuyanapaj randica ima yachashcataca shujtajcunamanmi compartincuna. Chashnami caishuj chaishuj animarinacunchij” ninmi.

¿Cai escuelapaj gastocunata pagangapajca maimantataj cullquica llujshin? Cai gastocunata pagangapajca obra mundialman shungumanta cushca cullquitami utilizanchij. Achcacunami donate.jw.org paginapi chai cullquita cuncuna. Chꞌican chꞌican llajtacunamanta huauqui panicuna cai escuelaman richun shungumanta cullquita cushpa ayudashcamantami diosolopagui ninchij.