Nota

c Huaquincunaca Pablo nazareo shina shuj ari ninacuita rurashcatami nincuna (Núm. 6:1-21). Pero chaitaca Moisesman cushca leyllapimi rurana carca. Shinapish chai leyta cazunataca ña mana minishtirircachu. Pabloca maijan runacuna nazareo shina Dioshuan ari ninacushcata pajtachina alli cashcatami yuyashcanga. Chaimantami paicunapaj gastocunata pagashpa temploman compañana alli cashcata yacharca. Chai runacunaca Dioshuan ima ari ninacushcata pajtachingapajca rishcataca mana yachanchijchu. Shinapish nazarenocuna paicunapaj juchacunata perdonachun shuj animalta sacrificio shina cungapaj rijpica Pabloca paicunata ña mana compañanmanchu carca. Jesús ña huañushcamanta sacrificiocunata ruranaca ña mana valijchu carca. Pablo imallata rurashcata mana yachanchijchu. Pero imata rurashca cashpapish paipaj concienciapi tranquilomi sintirishcanga.