Jehová Dios nishcacunaca tucuimi pajtarin

Babiloniahuan ima tucunata Dios huillashcaca tucuimi pajtarirca.

Flechacunata filojllata ruraichij

Jer 51:11, 28

• Persia shuti Media shuti llajtacunapi causajcunaca flechacunata alli shitajcunami carca. Flechacunata filojllata rurashpami huañuchij carcacuna.

‘Babiloniamanta cꞌari cꞌari soldadocunaca, mana macanacui tucushpami saquiringacuna’

Jer 51:30

• Nabonidomanta quillcashca rumipica: “Ciropaj soldadocunaca mana macanacushpami Babiloniaman yaicurca” ninmi. Cai shimicunaca Jeremías huillashca profeciahuanmi pajtarin.

‘Babilonia pueblopish rumi montonlla saquirishpami huiñaita shitashca saquiringa’

Jer 51:37, 62

• 539 J.m.h. huatapi Babilonia llaquichishca cashcamantaca cutinca ña mana tiyarcachu. Alejandro Magnoca Babiloniataca Grecia llajtapaj capital cachunmi munarca. Jesús causacushca punllacunapica Babiloniapica asha judiocunami causacurcacuna. Chaimantami apóstol Pedroca paicunata visitarca. Shinapish Jesús huañushca qꞌuipaca casi 400 huatacuna tucujpimi Babilonia puebloca tucuchishca carca.

  

¿Cai profeciacuna pajtarishcata yachanaca ima shinataj ñucata ayudan?

¿Cai profeciamantaca imatataj shujtajcunaman yachachi tucuni?