BIBLIAPI TIYAJ VALISHCA YUYAICUNA | ISAÍAS 52-57
Jesusca ñucanchijmantami huañurca
‘Runacuna pꞌiñashca, mana ricunayachishcami carca. Ñucanchijca Dios pꞌiñashpa chashna llaquichicushcatami yuyarcanchij’
Isa 53:3-5
Jesustaca pꞌiñashpami, Diosmanta pandata yachachicun nishpa juchachircacuna. Huaquincunaca shuj millai ungüihuanmi Diosca castigacun nishpami yuyarcacuna.
“Mandaj Diosmari paillataj curishpa llaquita apachun munarca. Mandaj Diosca pai imalla rurasha nishcataca paipaj maquipi churashpami ruranga”
Isa 53:10
Jesusta huañuchijta ricushpaca Jehová Diosca llaquillami sintirishca canga. Shinapish paita tucui shunguhuan cazushcamantaca cushillami sintirishca canga. Gentecunaca mana tucui shunguhuan canta servingachu nishpami Satanasca Diosta juchachirca. Jesusca huañushpami juchayujcuna arrepentirishpaca quishpirinata, Satanaspish llulla cashcata ricuchirca. Chashnami paica Jehová Diospaj munaita pajtachirca.