CANTO 55
¡Amataj manchaichijchu!
(Mateo 10:28, NM)
1. Ñucamanta huillajcuna
ama manchanguichijchu.
Alli huillaicunata
yachachishpa catichij.
Jesusca cielomantami
Diablotaca shitarca.
Ñallamari mil huatata
paica huichcashca canga.
(CORO)
Ñucata sirvijcunalla
amataj manchaichijchu.
Ñuca ñahuita shinami
cancunata cuidasha.
2. Contracuna pꞌiñarishpa
llaquichisha nijpipish
ama manchanguichijchu,
cancunahuanmi cani.
Tucuipimi cancunata
cuidashpa caticuni.
Cancuna mishangacama
ñucami ayudasha.
(CORO)
Ñucata sirvijcunalla
amataj manchaichijchu.
Ñuca ñahuita shinami
cancunata cuidasha.
3. Cancunalla cashcataca
ama yuyanguichijchu.
Ñucaca cancunata
manataj saquishachu.
Ñucamanta huañujpipish
cutinmi causachisha.
Ñallami huiñai huiñaita
cushilla causanguichij.
(CORO)
Ñucata sirvijcunalla
amataj manchaichijchu.
Ñuca ñahuita shinami
cancunata cuidasha.
(Cai versocunatapish leyipai: Deut. 32:10; Neh. 4:14; Sal. 59:1; 83:2, 3).