Alli huillajcuna tucushunchij: Cartata escribishpa huillai

IMAMANTATAJ MINISHTIRISHCA CAN. Apóstol Pabloca huauqui panicunata animangapajca 1 Corintios cartata, shujtaj 13 cartacunatapishmi escribirca. ¿Shuj cartata escribinaca imamantataj alli can? Shuj cartata escribicushpaca cushichij yuyaicunatami churana canchij. Chashnami cai cartata chasquijcunaca cutin cutin liyinata munangacuna. Familiacunaman, rijsishcacunaman, mana huillai tucushcacunamanpish cartacunata rurashpami huillai tucunchij. Por ejemplo, huaquinpica Bibliamanta ashtahuan yachanata munajcunata mana cutin tari tucunchij. Cutin shujtajcunamanca vigilashca edificiocunapi, caru lugarcunapi causashcamantami mana huillai tucunchij. ¿Mana rijsishcaman shuj cartata cachangapajca ima yuyaicunatataj escribina canchij?

SHUJ CARTAPICA IMATATAJ ESCRIBINA CANCHIJ

• 

  Shuj cartata ruracushpaca ñahui ñahui paihuan parlacuj shina escribi. Cambaj shutita, imapaj chai cartata escribishcata huillai. Chai qꞌuipaca Bibliamanta shuj tapuita escribi. Cai tapuita jw.org paginaman yaicushpa chaita ricuchun animai. Shinallataj paipaj huasipi Bibliamanta ima shina yachai tucushcata huillai. Shuj publicacionpaj tematapish escribi. Cai cartapica jw.org paginaman yaicungapaj tarjetata churai. Shinallataj shuj invitacionta o shuj tratadota churai.

• Ashalla yuyaicunata quillcai. Achca yuyaicunata escribijpica cartata liyijca mana liyinata munangachu (ima shina shuj cartata ruranamanta ashtahuan yachai).

• Cartata rurashpaca alli escribishca cachunmi cutin cutin revisana cangui. Shinallataj animachij shimicunata churashcatami ricuna cangui.