YACHAI 7

Verdadta yachachi

Lucas 1:3

YUYARI: Shuj temamanta alli yachachisha nishpaca chai tema cierto cashcatami canraj alli ricuna cangui.

Yachachinapaj alliraj ricui. Bibliapi tiyaj yuyaicunatami liyishpa yachachina cangui. Cutin, cienciamanta, noticiacunamanta, experienciacunata parlagrishpaca chaicuna ciertotaj cashcatami ricunaraj cangui.
Bibliata, publicacioncunata alli utilizai. Shuj versota alli intindichingapajca chai versopi Jehová imata yachachisha nishcatami ricuna cangui. Can intindichisha nishcapish shujtaj versocunahuanca de acuerdomi cana can. ‘Alli cazuj, alli yuyaiyuj’ chai versota ima shina intindichishcatapishmi ricuna cangui (Mt 24:45, QC, 1989). Shujtaj librocunamanta parlagrishpaca, chai librota quillcaj imata nishcallatami nina cangui.

Imatapish mana mirachishpa o anchuchishpachu nina cangui. Por ejemplo, shuj libropi ‘shujmi caita chaita ruran’ nijpica, canca ‘tucuicunami chaita rurancuna’ nishpaca mana ninachu cangui. O, ‘huaquinpica cashnami tucun’ nijpica, canca ‘siempremi chashna tucun’ nishpaca mana ninachu cangui.
Yachachicushcata alli intindichi. Shuj versota o publicacionta liyishca qꞌuipaca tapuicunata rurashpa, ejemplocunata churashpami yachachina cangui. Chashna rurajpimi yachacushcata alli intindingacuna.