¿Cusa huarmica cushilla causangapajca imatataj rurana can?

Abraham y Saraca cꞌuyanacushpa, respetanacushpami causajcuna carca (Gé 12:11-13; 1Pe 3:6). Pero, juchayujcuna cashcamantami problemacunata charirca. ¿Cazadocunaca Abrahammanta Saramantaca imatataj yachai tucun?

Cambaj cusa o huarmica pꞌiñarishca cashpachari cantaca rimaicunahuan llaquichinga. Chashna rimajpica canpish ama chashnallataj cutichingui. Chaipaj randica allimi parlanacuna cangui (Gé 16:5, 6). Shinallataj ishquindij pasangapajmi tiempota surcuna canguichij. Cancunapaj rimaicunahuan, ruraicunahuan cꞌuyaj cashcata ricuchichij. Ashtahuancarin ishquindij Jehová Diosmanta yachashpa, Diosta mañashpa, shuj shinalla paita sirvichij (Ec 4:12). Alli cusa, alli huarmica matrimoniota callarichij Jehová Diostami jatunyachincuna.

CAZADOCUNA CUSHILLA CAUSANGAPAJCA ¿IMATATAJ RURANA CANCHIJ? NISHCA VIDEOTA RICUSHCA QꞌUIPA CAI TAPUICUNATA CONTESTAI:

• ¿Shaan y Kiaraca imamantataj caruyacurcacuna?

• ¿Imamantataj cusa huarmica cada uno ima shina sintirishcata parlana can?

• ¿Abraham y Sarapaj ejemploca ima shinataj Shaanta y Kiarataca ayudarca?

• ¿Shaan y Kiaraca cushilla cangapajca imatataj rurarcacuna?

• ¿Cusa huarmica imamantataj problemacuna illaj causanataca mana yuyana can?