CANTO 96
Bibliaca Dios cushca valishca regalomi
(Proverbios 2:1, 4)
1. Diosmi Bibliata ñucanchijman cushca.
Valishca regalo shinamari.
Chaipimi Jatun Mandaj Jehová Diosca
tucuita yachaj cashcata huillan.
Bibliapi tiyaj mandashcacunami
ñucanchij causaita achijyachin.
Paipaj yuyaicunata quillcachunmi
huaquin cꞌaricunata agllarca.
2. Bibliapimi Jehová paipaj poderhuan
tucuita rurashcata huillacun.
Qꞌuipaca jatun tucushca angelmi
Diosca mana⁀alli mandajchu nirca.
Adanpish mana cazushcamantaca
juchayuj tucushpami huañurca.
Tucuicunami paimanta huañunchij.
Shinapish Diosca quishpichingami.
3. Jesusca ñami cielopi mandacun,
chaimantamari cushilla canchij.
Sumaj causaita Dios cusha nishcata
gentecunaman yachachishunchij.
Alli huillaicuna tiyashcatami
Diospaj Shimipi yachai tucunchij.
Cada punlla yacuta ubyaj shina
leyinata ama saquishunchij.
(Cai versocunatapish leyipai: 2 Tim. 3:16; 2 Ped. 1:21).