Jehovapish Jesuspish juchamantami cacharichinga

¿Ima problemacunatataj cada punlla chꞌimbapuracungui? Familiapi pushaj cashcamanta tucui imallata pajtachinaca sinchichari can. Cusa illaj o huarmi illaj cashcamantachari huahuacunata mantininaca sinchi can. Joven cashcamanta escuelapi cambaj compañerocunachari juchachin o burlancuna. Mana cashpaca ungushca cashcamanta o mayorlla cashcamantachari llaquicunata charingui. Tucuicunami problemacunata charinchij. Pero maijan huauquicuna panicunaca cada punllami achca problemacunata chꞌimbapurana can. Ñallami cai tucui problemacunamanta cacharichishca cashun (2Co 4:16-18).

Llaquicunahuan cashpa ñucanchij ima shina sintirishcataca Yayitu Diosca allimi intindin. Llaquicunata ahuantashpa, tucui shunguhuan paita sirvijpica bendiciangami (Jer 29:11, 12). Jesuspish ñucanchijmantami sustarin. Diosta sirvishpa catijpica paica ñucanchijhuanmi canga (Mt 28:20). Jesús cai Allpa pachata mandacujpi imallacunamanta cacharichishca canata yuyashun. Chaimi ñucanchij shuyacushcata crishpa catishun, llaquicunata ahuantangapajpish fuerzasta charishun (Ro 8:19-21).

LLAQUICUNA RICURIJPICA, JESÚS RURASHCATA RICURASHPA CATISHUNCHIJ NISHCA VIDEOTA RICUSHCA QꞌUIPA CAI TAPUICUNATA CONTESTAI:

• ¿Gentecunaca imamantataj Jehová Diosmanta caruyashcacuna? ¿Diosmanta caruyashcamantaca causaica ima shinataj can?

• ¿Diosta sirvijcunaca shamuj punllacunapica ima shinataj causashun?

• ¿Imamantataj shuj sumaj esperanzata charinchij?

• ¿Paraíso Allpapica Yayitu Dios imata pajtachichuntaj ashtahuan shuyangui?