JESÚS SHINA CAUSASHUNCHIJ
Jovencuna cancuna ima shina sintirishcata shungumanta yaya mamacunaman parlaichij
¿Can ima shina sintirishcataca cambaj yaya mamacunaman parlanachu cangui? (Pr 23:26). Jehová Diosca cambaj yaya mamacunatami cancunaman yachachichun, cuidachun mingashca (Sl 127:3, 4). Can ima shina sintirishcata cambaj yaya mamacunaman mana parlajpica paicunaca mana ayudai tucungachu. Ashtahuancarin cancunapaj yaya mamacuna ima experienciacunata charishcamantaca mana yachai tucunguichijchu. ¿Cambaj yaya mamamanca tucuitachu parlana cangui? Mana. Pero yuyari mana alli cosascunata ruracushpaca cambaj yaya mamamanca mana pacanachu cangui (Pr 3:32).
¿Ima shinataj cambaj yaya mamahuan parlai tucungui? Yaya mamacuna tiempota charij horas, canpish tiempota charij horas yaya mamacunahuan parlangapaj tiempota surcui. Pero paicunahuan mana parlai tucushpaca, can ima shina sintirishcataca shuj cartapi quillcashpa paicunaman huillai. ¿Can charishca problemamanta mana parlasha nishpaca imatataj rurana cangui? Allimi yuyarina cangui. Cambaj yaya mamaca cancunapaj amigosmi can. Chaimantami paicunaman parlai tucungui. Can ima shina sintirishcata cambaj yaya mamaman parlashpaca canllatajmi achcata beneficiaringui, huiñai causaitapishmi charingui (Pr 4:10-12).
HUAMBRACUNAPAJ CAUSAI: ¿IMA SHINATAJ ÑUCA YAYA MAMAHUAN PARLANACUI TUCUNI? NISHCA VIDEOTA RICUSHCA QꞌUIPACA CAI TAPUICUNATA CUTICHI:
¿Pani Esther, huauqui Partikca paicunallataj ima shina cashcatataj alli intindircacuna?
¿Jesuspaj ejemplomantaca imatataj yachai tucunguichij?
¿Cancunapaj yaya mamacunaca ima shinataj cancunata cuidasha nishcata ricuchincuna?
Cancunapaj yaya mamacunaca cushilla causachunmi munancuna.
¿Bibliapi tiyaj ima consejocunataj cancunapaj yaya mamahuan parlachun ayudai tucun?