Jehová Diosmi cꞌuyanata yachachin

1. Diosca achcata cꞌuyashcamantami

Jesusta cacharca.

Shujlla Churita cushcamantamari

shungumanta cushicunchij.

Ñucanchijtaca juchacunamanta,

huañuimantapish Diosmi quishpichirca.

Chashna cꞌuyajca pi mana tiyanchu.

Cꞌuyaj Diosmi, llaquij Diosmari.

2. Jehová Dios shina tucuicunatami

cꞌuyashun, llaquishun.

Yuyajcunata, huahuacunatapish

cushillami ayudashun.

Huauquicunata, panicunatapish

tucui shunguhuan cꞌuyashcamantami

llaquichijpipish perdonana canchij.

Chashnamari alli causashun.

3. Jehová Diostaca cꞌuyashcamantami

tandalla sirvishun.

Familia shina cꞌuyanacushpaca

cushillami sintirishun.

Diospaj Shimita alli yachashpami

tucuicunata ashtahuan cꞌuyashun.

Yaya Diostapish mana saquishunchu.

Paica cꞌuyaj, llaquij Diosmari.