YACHAI 12

Cꞌuyaihuan yachachi

1 Tesalonicenses 2:7, 8

YUYARI: Shungumanta parlajpica gentecunaca paicunamanta sustarishcatami sintingacuna.

Pihuan parlagricushcata yuyai. Manaraj shuj temamanta parlashpami gentecuna ima problemata charishcata, ima shina sintirishcata alli intindingapaj esforzarina cangui.
Animota cui. Llaquichij shimicunataca mana ninachu cangui. Diosta mana sirvijcunamanta, paicunapaj crishcacunamantapish mana burlarinachu cangui. Chaipaj randica sumaj, cushichij shimicunahuanmi parlana cangui.
Gentecunamanta sustarishcata ricuchi. Mishquijlla shimicunahuan, alajata parlashpami paicunamanta sustarishcata ricuchina cangui.

Maipishcachun imatapish mana parlanachu cangui. Cꞌuyaihuanmi parlana cangui. Por ejemplo, shuj llaquimanta liyicushpaca llaqui llaquilla vozta rurashpami liyina cangui. Shinallataj cushilla yuyaicunamanta liyicushpaca shujtaj laya vozta rurashpami liyina cangui. Pero chashna liyina cashpapish mana yallitaj llaquilla o cushillachu liyina cangui.