24 Chay cabraq umanmanmi makinta churaykunqa, jinaspa Jehová Diospa ñaupanpi chay cabrata ñak’anqa, maypichus ruphachina ofrendapaq uywakunata ñak’anku chaypi.+ Chaymi kanqa jucha pampachay ofrenda.

26 Llapa wirantataq altar patapi ruphachinqa, imaynan sumaq kausay sacrificiopaq uywaq wiranwan ruwan chhaynata.+ Chhaynatan sacerdoteqa ruwanqa chay runaq juchan pichasqa kananpaq, chhaynapin chay runaq juchanqa perdonasqa kanqa.