4 Chaymantataq rey Josiasqa uma sacerdote Hilquiasta,+ wakin sacerdotekunata, punku qhawaqkunatawan kamachirqan Jehová Diospa templonmanta llapa serviciokunata orqomunankupaq. Chay serviciokunaqa Baal idolota, sayashaq k’ulluta,*+ cielopi llapa ch’askakunatawan yupaychanankupaqmi karqan. Chay serviciokunatan rey Josiasqa kanapurqan Jerusalén llaqta jawapi, Cedrón wayq’o qhatapi. Chay kanasqantataq Betel+ llaqtaman aparqan.

14 Chaymantapas rey Josiasqa yupaychana sayashaq rumikunatan thunirqan, yupaychana sayashaq k’ullukunatapas ñut’urqanmi,+ chaykunaq maypichus kasqanmantaq runa tullukunawan junt’achirqan.