11 Chaypin Asaqa Jehová Diosta rogakuspa+ nirqan: “Jehová Diosniyku, yanapaykuwayku, qanqa kallpasapatapas pisi kallpatapas atinkin yanapayta.+ Jehová Diosniyku, qanpin noqaykuqa suyakuyku,+ qanpa sutiykipin khaytukuy runakunawanpas maqanakuq jamuyku.+ Jehová Diosniyku, qanmi Diosniykuqa kanki, amayá runakunallawanqa atipachikuychu”,+ nispa.

5 Jinan Jehosafatqa sayaykurqan Jehová Diospa wasinpi kaq mosoq patiopi, payqa sayaykurqan llapa Judá ayllu runakunaq jinallataq Jerusalén llaqta runakunaq ñaupanpin. 6 Chaypin nirqan:

“Ñaupa taytaykuq Diosnin Jehová Dios, qanllan kanki janaq pacha Diosqa,+ qanqa kay pachapi kamachikuqkunamantapas aswan atiyniyoqmi kanki.+ Jinaspapas manan pipas qantaqa atipasunkimanchu, qanqa sinchi atiyniyoqpunin kallpasapapunin kanki.+