4 Rey Jehoasmi sacerdotekunata nirqan: “Jehová Diospa wasinpaq apamusqanku qolqetaqa qankunan lliuta chaskinkichis:+ sapanka runaq impuesto pagasqanta,+ prometekusqankuman jina qolqe pagasqankuta, tukuy sonqowan Jehová Diospa wasinpaq apamusqankutawan;+ tukuy chaykunaqa ch’uya ofrendakunan. 5 Chay apamusqanku qolqetaqa qankuna kikiykichismi chaskimunkichis, chaykunaqa kanqa wasiq mana allin partenkunata* allichanapaqmi”,+ nispa.

29 Ezequiasqa+ iskay chunka pisqayoq watanpi kashaspan rey kapurqan, iskay chunka isqonniyoq watataqmi Jerusalenmanta kamachikurqan. Paypa mamanmi karqan Zacariaspa+ ususin Abías.

3 Ezequiasqa kamachikuyta qallarisqan watapin ñaupaq kaq killapi Jehová Diospa wasinta jujmanta kicharqan, jinaspa allichayta qallarirqan.+

9 Paykunan uma sacerdote Hilquiasman rirqanku, jinaspan Diospa wasinpi juñusqanku qolqeta payman qorqanku. Chay qolqetan punku qhawaq Leví runakuna juñurqanku Manasés ayllumanta, Efraín ayllumanta, wakin Israel runakunamantawan;+ jinallataq Judá ayllumanta, Benjamín ayllumanta, Jerusalén llaqtapi tiyaq runakunamantawan. 10 Chay qolqetataq qorqanku Jehová Diospa wasinta allichaymanta encargakuqkunaman. Chay encargakuqkunataq chay qolqeta qorqanku llank’aqkunaman, chay llank’aqkunataq chay qolqewan Jehová Diospa wasinta allicharqanku.